О́ńirde Baýkeń týǵan Jýaly aýdanynda arnaıy memorıaldyq mýzeı bar. Budan bólek, oblystyń 80 jyldyǵynda ashylǵan «Dańq» zalynda da Baýkeńniń biraz murasy saqtalǵan.
«Dańq» zalynda turǵan jádiger tusyndaǵy «Maýzer polkovnıka Baýyrjana Momyshýly» degen jazý kózge ottaı basylady. Derekke sensek, Baýyrjan Momyshulynan qalǵan qundy jádiger 1965 jyly oblystyq tarıhı-ólketaný mýzeıine tapsyrylǵan eken.
«Bul qarý – Panfılov dıvızııasynyń polkovnıgi Baýyrjan Momyshulyniki. Bizde bar derekke júginsek, maýzer metall, aǵash jáne qaıystan jasalǵan. Sanaly ǵumyryn áskerı qyzmetke arnalǵan batyr osy qarýdy soǵys jyldarynda paıdalanǵan.
Naqty derekterge sensek, batyr kózi tirisinde jádigerdi oblystyq tarıhı-ólketaný mýzeıine tapsyrýdy jón dep tapqan eken. Bul týraly ósıet hat ta jazylǵan», deıdi oblystyq tarıhı-ólketaný mýzeıiniń ǵylymı qyzmetkeri Ámirbek Nurzat.
Jalpy, 2019 jyly ashylǵan «Dańq» zalynda batyrdyń birqatar jádigeri saqtalǵan. О́ńirge syrttan kelgen týrıster Baýkeńniń murasymen tanysý úshin arnaıy osynda at basyn burady. Oblystyq tarıhı-ólketaný mýzeıine qarasty ǵımaratta Baýkeńniń ómiri men qyzmetin zertteýmen aınalysatyn «Baýyrjantaný» zertteý ortalyǵy da jumys istep tur.
Taraz
