Atyraýda dánekerleýshi-sheberlerdi oqytýǵa 36 myń eýro jumsaldy

ATYRAÝ. 9 aqpan. Atyraýdaǵy tehnıkalyq jáne kásiptik kolledjderdiń 16 óndiristik oqý sheberin arnaıy kýrsta oqytýǵa 36 myń eýro jumsaldy. Bul týraly egemen.kz tilshisi habarlady. Atyraý oblystyq kásipkerler palatasy uıymdastyrǵan «Elektrogaz dánekerleýshisi» arnaıy kýrsynda shveısarııalyq maman Maks German Hoızer dáris júrgizdi. Atalǵan sheteldik mamannyń osy salada 50 jyldan astam tájirıbesi bar eken. Úsh aptalyq oqý kýrsynyń sońynda atyraýlyq tyńdaýshylar emtıhan tapsyryp, sonyń nátıjesimen halyqaralyq sertıfıkatqa ıe boldy. «Jergilikti oqytýshylardyń daıyndyq deńgeıi ártúrli. Men olarǵa dánekerleý isiniń qupııasy men ádisterin úıretýge tyrystym», deıdi sheteldik maman Maks German Hoızer. «Qazirgi ýaqytta Atyraý oblysynda «Qashaǵan» jobasynyń iske asyrylýymen úlken suranysqa ıe jumysshy mamandyǵynyń biri – dánekerleýshi. Kóptegen kásiporyn jetekshileriniń mamandardy daıyndaý sapasyna kóńili tolmaıdy. Sol sebepten, jumysshylardyń talabyna oraı tehnıkalyq kolledjder men kásiptik oqytýdyń óndiristik sheberlerin arnaıy kýrsta oqytyp, sheberligin shyńdadyq. Temirdi ár úrli baǵytta pisirýge úırettik. Olardyń kásibıligin kóterý arqyly aldaǵy ýaqytta jas mamandardy daıarlaý sapasyna oń áser eterine senemiz», degen pikirimen bólisti Atyraý oblysy kásipkerler palatasy dırektorynyń orynbasary Nurjan Ǵanımurat. О́ndiristik oqytý sheberleriniń kásibı biliktiligin arttyrǵan arnaıy kýrsty oblystyq bilim basqarmasymen birlese ótkizildi. Joldasbek Shópeǵul. Derek, sýret: egemen.kz.