Chempıonattyń «FLL» baǵytyndaǵy Oral Nazarbaev zııatkerlik mektebiniń «Tidal Tumble» komandasy «Robot Design» sanatynda jeńimpaz atandy. Olar endi Aýstralııanyń Sıdneı qalasynda ótetin «Asia Pacific Open First Championship 2025» halyqaralyq jarysyna barady.
Qazylar NZM oqýshylary jasaǵan robot dızaınyn joǵary baǵalaǵan. О́ıtkeni ol jobanyń ınnovasııalyq sheshimderi erekshe bolypty. «Oraldyq oqýshylardyń tehnıkalyq bilimi, shyǵarmashylyq qabileti jáne komandalyq jumysy joǵary deńgeıde», deıdi qazylar.
«Asia Pacific Open First Championship 2025» – robottehnıka salasyndaǵy eń bedeldi halyqaralyq jarystyń biri. Bul saıysqa álemniń ár túkpirinen úzdik komandalar qatysyp, óz jobasyn usynady. Nazarbaev zııatkerlik mektebiniń jeńimpaz komandasy endi el namysyn álemdik deńgeıde qorǵaýǵa daıyndalyp jatyr.
«Bul jeńis oqýshylardyń qajyrly eńbegimen, jetekshileriniń kásibı daıyndyǵymen keldi. Sonymen birge atalǵan zııatkerlik mektepte «STEM» bilim sapasy joǵary ekenin dáleldeıdi», deıdi Oral qalasyndaǵy fızıka-matematıka baǵytyndaǵy NZM baspasóz hatshysy Gúlnáz Nuǵmanqyzy.
Batys Qazaqstan oblysy
