Poıyz elektr qýatymen júredi. Birjolaqty temirjol jelisi baqsha ishinde tóselgen. Pılotsyz, qashyqtan basqarý arqyly jumys isteıdi. Júk tasýǵa arnalǵan birneshe tirkeme arbasy bar, olardyń árqaısysyna 200 kelige deıin júk artýǵa bolady. Eń basty artyqshylyǵy – taýly aımaqtaǵy oıly-qyrly alqaptarda júrýde ońaılyǵy.
«Mendın qalasynda 93 myń gektar jerge osyndaı poıyzdar qyzmet etedi. Munda jyl saıyn 480 myń tonna ónim jınalady. Taýly aımaqtaǵy fermerlerdiń jumysyn jeńildetý úshin osyndaı shaǵyn poıyzdardyń qoldanylý aıasyn keńeıtý josparlanýda. Qazirgi ýaqytta fermerler tarapynan suranys artýda. Aýyl sharýashylyǵyna ınvestısııalaý kólemi bıyldan bastap ósýi kútilýde», deıdi Mendın qalasy óndiristik jáne tehnologııalar ortalyǵynyń bas mamany Chen Szıýan.
Bul ınnovasııalyq jańalyq aýyl sharýashylyǵynda eńbek ónimdiligin aıtarlyqtaı arttyrdy. Sonymen qatar, jaldamaly jumysshylarǵa jumsalatyn shyǵyndar da azaıǵan. Nátıjesinde, tabys kólemi 350 mıllıon dollarǵa jetti. Endi bul tehnologııanyń jappaı engizilýi qarastyrylyp jatyr.
