Qarym-qatynastar damı túspek

Qazaqstan Respýblıkasy dástúrli túrde Omby oblysymen negizgi sheteldik áriptes, sonyń ishinde ınvestısııalyq yntymaqtastyq turǵysynda da shynaıy áriptes bolyp tabylady. Qazaqstanmen aradaǵy aınalym ótken jyly shamamen 100 mıllıon AQSh dollaryn qurady. 2015 jyl Eýrazııalyq eko­nomıkalyq odaqtyń qurylýy­men erekshelenip otyr. Mu­nyń ózi bizdiń odan arǵy ózara baılanystarymyzdyń bo­lashaǵyn barynsha aıqyn­daı túsedi. Eýrazııalyq ıntegra­sııanyń damýy ekijaqty ózara tıimdi baılanystardyń jańa­dan serpin alýyna yqpal etpek. Qazirgi satyda ekonomıkany kúsheıtý, saýda-ekono­mıkalyq baılanys­tardy tereń­detý, ınvestısııa­lyq yn­tymaqtastyqty ulǵaıtý jáne sonymen birge, halyqtyń ál-aýqatynyń jalpy deńgeıin arttyrý sııaqty óńiraralyq áriptestikti nyǵaıtýdyń kóp­tegen jemisterin kórip otyrmyz. Sóz joq, óńiraralyq ynty­­maqtastyqta saýda-eko­nomıkalyq qarym-qatyna­s­tardyń mańyzy zor. Degenmen, ıntegrasııanyń qazirgi jaǵdaıy birlesken kásiporyndar qurý sııaqty ózara baılanystardyń neǵurlym tereń formalaryna kóshý qajettigin kórsetedi. Sol sııaqty, birlesken ınvestısııalyq jobalardy júze­ge asyrýdyń da keleshegi úlken. Sondyqtan budan arǵy jerde de Omby oblysynyń Qazaqstan Respýblıkasymen ınvestısııalyq yntymaqtastyǵy barǵan saıyn kúsheıe túsetin bolady. Bizde ekijaqty qarym-qaty­nastar jaqsy qalyptasqan. О́tken jyly Omby oblysynyń gýbernatory Vıktor Nazarov Pavlodar oblysynyń ákimi Qanat Bozymbaevpen kezdesti. Bıylǵy jyldyń basynda Soltústik Qazaqstan oblysy ákimimen kezdesý josparlanyp otyr. Osyndaı kezdesýler barysynda eki eldiń bıznes qaýymdastyqtary ara­syndaǵy baılanystar ornyǵyp, olar keńeıe túsedi. Qazirgideı rýbl baǵamynyń tómendeýi jaǵdaıynda qarym-qatynastar mańyzy burynǵydan da arta tús­pek. О́ıtkeni, otandyq, ıaǵnı reseı­lik ónim qazaqstandyq ónimge qaraǵanda anaǵurlym básekege qabiletti bola túsýde. Demek, Qa­zaq­stanǵa shyǵarylatyn eksport kólemi de arta túsetin bolady. Vadım ChEChENKO, Reseıdegi Omby oblysy­nyń ekonomıka mınıstri. Reseı Federasııasy.