Benzın baǵasy qalaı bolmaq?

Keshe Ortalyq kommýnıkasııalar qyzmetinde «Qaz­Mu­naıGaz» UK» AQ-tyń basshysy Saýat Myńbaev baspasóz máslıhatyn ótkizdi. Ol «jaǵdaı bárińizge belgili» degendeı, sharanyń suraq-jaýap bólimine birden kóshti. Á, degennen Energetıka mı­nıstri Vladımır Shkolnıktiń ótken aıdaǵy Úkimet saǵatynda, «Reseıden kelip jatqan arzan benzınge shekteý qoımasaq, otandyq munaı óńdeý zaýyttaryn múlde turalatyp, ondaǵy jumys oryndaryn jabýǵa deıin ákelip soǵýy yqtımal», degen málimdemesiniń jón-joryǵy jóninde suraq qoıyldy. «Energetıka mınıstri V.Shkol­­nıktiń osylaı dep aıtqa­nyn joqqa shyǵarmaımyn. Janar-jaǵarmaıdyń úlken bir bóligi búginde Reseıden kelip jatyr. Áıtse de, onyń keletin kóleminiń mólsheri ındıkatıvtik balanspen ár jyldarǵa arnaıy belgilenetin. Biraq, qazirgi ýaqytta Reseıden tasymaldanyp jatqan jaǵarmaıdyń kólemi ındıkatıvtik teńgerimnen kóbeıip ketýde. Máselen, ashyq tústi munaı ónimderi jylyna 1,8 mln. tonna ákelinetin. Endi sol kólemnen asa bastaǵanda, árı­ne otandyq munaı óńdeý zaýyt­tary­nyń jumysyna keri áser etedi», dedi S.Myńbaev. Ulttyq kompanııa basshysy Re­seıden ákelinip jatqan benzınge jáne basqa suıyq otyndarǵa shek­teý qoıý jóninde qandaı da qu­jattardyń ázirlengenin bilmeı­tinin aıtty. Ári-beriden soń ondaı shekteý qoıýǵa tek Energetıka mınıstrligi ǵana quqyly ekenin jetkizdi. Áıtkenmen, óziniń pikirin de ashyq bildirdi. «Meniń paıymdaýym boıynsha, ondaı shekteý bolmaǵany abzal», dedi ol. Eger onyń paıymy qaperge alynsa, janar-jaǵarmaıdyń baǵasy áli de arzandaýy bek múmkin. Brıfıngte taratylǵan bas­pasóz paraqshasymen de tanysyp shyqtyq. Ondaǵy málimetterge júginsek, tabıǵı gaz óndirý ótken jyly 6 paıyzdyq ósimmen 4 736 mln. tekshe metrge jetipti. «2014 jyly munaı men munaı kondensatyn óndirýdiń jınaqtalǵan kólemi QMG kompanııalar toby boıynsha 22 491 tonnany qurady. Tabıǵı gaz óndirý jyl ishindegi 6 paıyzdyq ósimmen 4 736 mln. tekshe metrge jetti. Byltyrǵy jyl­dyń josparyna qosymsha 267 mln. tekshe metr tabıǵı gaz óndi­rildi», delingen baspasóz paraq­sha­synda. Al, munaı óńdeý kóle­m­ine toqtalatyn bolsaq, 2014 jyly jospardaǵy 14 889 myń tonnanyń ornyna 14 911 myń tonna ónim óndirilipti. Shymkent jáne Pavlodar munaı óńdeý zaýyttaryn qaıta jańǵyrtý jumystary bastalyp ketipti. Atyraý munaı óńdeý zaýytynda aromatty kómirsýtegi óndirisi boıynsha keshendi qurylys júrgizilip, joba belsendi jumys isteý kezeńinde tur. Sonymen qatar, Mańǵystaý oblysynda bıtým shyǵaratyn zaýyt tolyq jobalyq qýatynda jumys isteı bastapty. Saladaǵy keıbir qıyndyqtarǵa qaramaı «QazMunaıGaz» AQ qyz­met­kerleriniń jalaqysyn qys­qartý kompanııa josparynda joq eken. Jýrnalısterdiń suraq­tary­na jaýap bergen S.Myńbaev kom­panııanyń bıýdjeti qaıta qaralyp, onda munaıdyń bir barreli 50 dollar baǵamen eseptelgenin aıtty. Dese de, buǵan deıin qabyldanǵan bıýdjet shyǵyndary aıtarlyqtaı qysqarypty. «Mamandar sany men jalaqy máselesine keletin bolsaq, jumys orny qysqarmaıdy. «Samuryq-Qazyna» kompanııalar tobynda júrgizilip jatqan transformasııa baǵdarlamasyn eskere otyryp, «QazMunaıGaz» AQ qurylymy da ońtaılandyrylyp jatyr. Al, jalaqy máselesine kelsek, ony qysqartý josparda joq, esesine onyń kólemin arttyrý da qarastyrylmaǵan», dedi ol. Nurbaı ELMURATOV, «Egemen Qazaqstan».