Fotolar: Qorǵanys mınstrligi
Konferensııaǵa qatysýshylar qorǵanys salasyn damytýdyń ózekti máselelerin talqylady. Kásipkerlerdiń pikirinshe, kelisimsharttyń 1 jyldyq merzimi kúrdeli jumystardy, joǵary tehnologııalyq tapsyrystardy oryndaý úshin jetkiliksiz. Is júzinde olar kóptegen komponentterdi jetkizýdi talap etedi, al qazirgi kezde logıstıkaǵa qatysty máseleler kelisimshart talaptarynyń buzylýyna ákeledi.
Mınıstr jasalatyn kelisimsharttardyń merzimin úsh jylǵa deıin ulǵaıtýdy qarastyrýdy usyndy, sonymen qatar ol memlekettik organ men qorǵanys-ónerkásip keshenderi kásiporyndary qaýymdastyǵynyń otandyq óndiristi damytý jáne jalǵan kásipkerlik, jasyryn ımport pen baǵany negizsiz kóterý faktilerin anyqtaýǵa kúsh-jigerdi biriktirýge shaqyrdy.
«Búginde qorǵanys-ónerkásip salasynda 120-dan asa kompanııa bar, degenmen olardyń barlyǵy naqty óndirýshiler emes. Olardyń birazy ónim shyǵarmaı-aq memlekettik qorǵanys tapsyrysy sheńberinde qarjy alýdy kózdeıtinder. Bul máseleni quramynda Qorǵanys mınıstrligi, Bas prokýratýra, Qarjy monıtorıngi agenttigi jáne «Atameken» UKP ókilderi bar komıssııa qurý arqyly sheshýge bolady. Bul komıssııa ózin áskerı maqsattaǵy ónim óndirýshiler retinde kórsetetin kásiporyndardy tekseredi», dedi Rýslan Jaqsylyqov.
Odan ózge mınıstr, shetelden tehnologııalardy satyp alý kezinde de óndiristi odan ári oqshaýlaý Qazaqstanda bolýy tıis ekenin, Semeı tank jóndeý zaýytynyń bazasynda klaster qurý qajettigin málimdedi.
«О́ndiris orny brondy tank tehnıkasyn ǵana emes, qarý-jaraqty, artıllerııalyq júıelerin, transmıssııalardyń kúshtik qondyrǵylaryn jóndeýge de mamandanýy tıis. Munyń bári oryndalýy kerek», dedi mınıstr.
Konferensııa qorytyndysy boıynsha Qorǵanys mınıstrligi men Qorǵanys-ónerkásip keshenderi kásiporyndarynyń qaýymdastyǵy otandyq qorǵanys salasyn damytýdyń biryńǵaı strategııalyq tuǵyrnamasyn ázirleý úshin birlesken komıssııa qurýǵa sheshim qabyldady.
Rýslan Jaqsylyqov qaýymdastyq músheleri kótergen barlyq máseleler ózekti bolyp tabylatynyn atap ótip, baǵany retteý men kelisimsharttardyń merzimderin uzartý jóninde birqatar tapsyrmalar beretinin alǵa tartty. Sondaı-aq ol Qorǵanys mınıstrligi men Qorǵanys-ónerkásip keshenderi kásiporyndary qaýymdastyǵynyń ókilderi kiretin jumys toby sheńberinde barlyq problemalardy sheshýge bolatynyna senim bildirdi.
Esterińizge salaıyq, 2025 jylǵy 13 aqpanda «QR-nyń memlekettik basqarý júıesin odan ári jetildirý jónindegi sharalar týraly» Prezıdent Jarlyǵynyń qabyldanýymen memlekettik qorǵanys tapsyrysyn qalyptastyrý mindetteri Qorǵanys mınıstrliginiń qaramaǵyna berildi.
