- Sý dobynan Qytaıdyń Chjaosıninde ótken Azııa chempıonatynda elimizdiń áıelder quramasy qola medal ıelendi. Sheshýshi synda olar О́zbekstandy 13:6 esebimen jeńdi. Bir ókinshtisi, bizdiń qyzdar júlde alǵanymen, álem chempıonatyna qatysatyndardyń tizimine qosyla almady. О́ıtkeni atalǵan jarystyń joldamasy tek fınalǵa shyqqan úzdik komandalarǵa ǵana berildi.
- Parıjde ártistik júzýden Álem kýboginiń kezeńdik saıysy aıaqtaldy. Alǵashqy kúni tehnıkalyq baǵdarlama boıynsha synǵa túsken Edýard Kım tek ulybrıtanııalyq Ranjý Tomblınnen qalyp qoıyp, kúmispen kúpteldi. Kúni keshe Vıktor Drýzın jeńis tuǵyrynyń eń bıik satysyna kóterildi. Ol jeke baǵdarlamada teńdessiz dep tanyldy. Saıystyń dál osy túrinde Artýr Maıdanov men Valerııa Stolbýnova juby kúmis medaldy moıyndaryna ildi.
- Kanadanyń Kalgarıinde short-trekten jastar arasyndaǵy álem birinshiligi jalǵasyp jatyr. 1500 metrlik saıysta baq synaǵan Alına Ájiǵalıeva jeńis tuǵyryna synyq-súıem ǵana jetpedi. Ońtústik Koreıanyń qos myqtysy – O Songmı men Kım Mındjı, kanadalyq Aısha KıýAı Mıaodan qalyp qoıǵan jerlesimiz tórtinshi oryndy qanaǵat tutty.
- Qurlyqtyq hokkeı lıgasynda (QHL) kúsh synasyp júrgen «Barys» kezekti kezdesýinde jeńilis tapty. Bul joly Chelıabige sapar shekken astanalyqtar jergilikti «Traktordan» 0:8 esebimen oısyraı utyldy.
- Fýtboldan elimizdiń premer-lıgasynyń jańa maýsymy bastaldy. Alǵashqy týr oıyndary mynadaı eseppen aıaqtaldy: «Astana» – «Qaırat» 1:1, «Turan» – «Oqjetpes» 2:0, «Atyraý» – «Elimaı» 2:1, «Qaısar» – «Jeńis» 0:0, «Qyzyljar» – «Jetisý» 1:1, «Ordabasy» – «Aqtóbe» 0:0, «Tobyl» – «Ulytaý» 2:0.
