Kún tártibi naqtylandy

Depýtattardyń talqylaýy­na birinshi oqylymda astanany jáne respýblıkalyq mańyzy bar qala­lardy damytý máseleleri bo­ıynsha Úkimettiń túzetýleri usy­nylady. Bul ózgerister Mem­leket basshysynyń tapsyrmasyn oryndaý maqsatymen ázirlengen. Zań jobasy 1 kodeks pen 6 zańǵa ózgerister engizýdi usynady. Bular elorda men respýblıkalyq mańyzy bar qalalardy abattandyrý ereje­lerin jetildirýge baǵyttalǵan. Atap aıt­qanda, qoljetimdi ortany qam­tamasyz etý, dızaın-kod engizý jáne stasıonarly emes nysandardy ornalastyrý jáne olardyń qyzmetin retteý. Sonymen qatar jarnama qyzmetin retteý, qoǵamdyq oryndar­da kóshedegi aýdıojarnamaǵa ty­ıym salý, trotýarlar men avtojol­­darda syrtqy jarnama orna­las­tyrýǵa shekteý qoıý, elordadaǵy kóshi-qondy retteý tetikterin jetil­dirý sııaqty jarnama máseleleri qarastyrylǵan.

Birinshi oqylymda depýtattar «Jer qoınaýy jáne jer qoınaýyn paıdalaný týraly» Kodekske sý resýrs­taryn qorǵaý jáne paıdalaný má­seleleri bo­ıynsha engiziletin ózge­ris­terdi de talqylaıdy. Zań joba­sy de­pýtattardyń bastamasy­men jańa Sý kodeksiniń redaksııasy­men zańnamalyq aktiniń erejelerin úılestirý maqsatymen ázirlendi. De­pý­tat­tardyń túzetý­leri eki kodeks­te jerasty sý resýrstaryn ret­teý jáne paıdalaný má­sele­lerin­de biryńǵaı termıno­lo­gııa­ny qol­danýǵa, Kaspıı teńi­ziniń qazaq­standyq sektorynda kómirsý­tekterdi barlaý jáne óndirý bo­ıynsha operasııalardy júrgizýge qoıylǵan tyıymdy alyp tastaýǵa, sondaı-aq Aral teńiziniń aýmaǵynda erekshe ekologııalyq mártebeni eskere otyryp, jer qoı­­naýyn paıdalaný operasııa­laryn júrgizýge tyıym salýǵa qatysty.

Ilespe zań jobasy aıasynda Ákimshilik quqyqbuzýshylyq týraly kodekske ózgerister engi­ziledi. Olar zańsyz sý alýǵa, sý obektilerinde, sý qorǵaý aımaq­tary men beldeýlerinde zańsyz qury­lys júrgizýge, sý paıdalaný sharttary men rejimin buzýǵa, sý obektileriniń arnalaryn jáne shekaralaryn ózgertýge qatysty sanksııalardy qatańdatýǵa baǵyttal­ǵan. Sondaı-aq gıdrotehnıka­lyq qurylystarǵa tehnıka­lyq tekserýdi oryndamaǵany nemese qate júrgizgeni, olardy qaýipsizdik deklarasııasynsyz paıdalanǵany úshin jaýapkershilik engiziledi.

Ekinshi oqylymda Májilis taýarlardyń shyǵarylǵan elin aı­qyndaý máseleleri boıynsha túzetýlerdi qarastyrady. Zań jobasy Prezıdenttiń 2023 jyl­ǵy qyrkúıektegi Qazaqstan halqy­na Joldaýyn iske asyrý úshin Par­lament depýtattarynyń bas­tama­symen ázirlengen. Olar joǵa­ry úlesti oqshaýlaýdyń óndiris sıklin qurýdy kózdeıdi. Bul óz kezeginde ımporttyq jetkizilim­derge táýeldilikti azaıtýǵa, zamanaýı tehnologııalar transfertine jáne jańa óndiristi oqshaýlaýǵa múmkindik beredi. Atap aıtqanda, qoldanystaǵy «ST-KZ» sertıfıkaty men ındýstrııalyq sertı­fıkattyń ornyna qazaq­standyq taýarlardyń biryńǵaı tizilimin qurý usynylady.

Sonymen qatar depýtattar qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderin baǵalaý halyqaralyq ortalyǵyn qurý týraly kelisimdi ratıfıkasııalaý týraly jańa zań jobasyn jumysqa alady.