Foto: Vıdeodan alynǵan kadr
Áleýmettik jelilerde taraǵan beınejazbada patrýldik polısııa qyzmetkerleri jyldamdyqty asyrǵan Lexus kóligin toqtatqanymen, júrgizýshi olarǵa agressıvti jaýap berip, eshqandaı jazaǵa tartylmastan oqıǵa ornynan ketkeni kórsetilgen. Ol óz sózinde 11 jyldyq júrgizýshilik tájirıbesi bar ekenin aıtyp, polısııa qyzmetkerleriniń nómirin «este saqtap alý kerektigin» málimdegen.
Qostanaı – Áýlıekól – Sýrǵan tas jolynda bolǵan bul oqıǵaǵa qatysty qyzmettik tekserý júrgizilgen. Nátıjesinde júrgizýshiniń jyldamdyq rejımin buzǵany anyqtalǵan. Alaıda ınspektorlar oǵan shara qoldanbaǵan. Osyǵan baılanysty tártiptik komıssııanyń sheshimimen eki polısııa qyzmetkeri jumystan shyǵaryldy.
Quqyq buzýshynyń ákimshilik jaýapkershilikke tartylýy boıynsha jeke tekserý júrgizilip, tıisti sharalar qabyldanatyny habarlandy.
