Oqıǵa • 05 Naýryz, 2025

Kostenko shahtasyndaǵy apatqa qatysty sot tyńdaýy bastaldy

60 ret

kórsetildi

1 mın

oqý úshin

Búgin «ArselorMıttal Temirtaý» AQ Kostenko atyndaǵy kómir shahtasyndaǵy jarylysqa qatysty qylmystyq is boıynsha aldyn ala sot tyńdaýy bastaldy, dep habarlaıdy Egemen.kz Qaraǵandy oblysy prokýratýrasynyń baspasóz qyzmetine silteme jasap.

Qyrmyzy JUMAǴALIQYZY

Kostenko shahtasyndaǵy apatqa qatysty sot tyńdaýy bastaldy

Foto: azh.kz

Esterińizge sala keteıik, 2023 jylǵy 28 qazanda jerasty tazartý qazbalarynda oryn alǵan qaıǵyly oqıǵa nátıjesinde 46 kenshi qaza taýyp, taǵy 28 kenshi jaraqat alǵan bolatyn.

Sot otyrysyna memlekettik aıyptaýshylar, jábirlenýshiler, olardyń ókilderi, sottalýshylar men qorǵaýshylar qatysty.

Qylmystyq isti Bas prokýratýra tergep, nátıjesinde shahta basshylyǵy men ınjenerlik-tehnıkalyq qyzmetkerlerdiń qatarynan 10 adam sotqa tartylǵan bolatyn.

«Barlyǵyna Qazaqstan Respýblıkasy Qylmystyq kodeksiniń 277-babynyń 3-bóligi boıynsha aıyp taǵyldy (taý-ken jumystaryn júrgizý kezinde qaýipsizdik erejelerin buzý).Sottalýshylar qamaýda. Is boıynsha 74 adam jábirlenýshi dep tanyldy. Qylmystyq is Qazaqstan Respýblıkasy IIM Qylmystyq-atqarý júıesi komıtetiniń «№61 mekeme» RMM ǵımaratynda qaralady», delingen habarlamada.