Fotolar: Joǵarǵy Sot
Kezdesý barysynda A.Merǵalıev Qazaqstannyń sot júıesi men AHQO Soty arasyndaǵy Yntymaqtastyq týraly memorandým sheńberinde daýlardy AHQO soty men HAO qaraýyna berý úderisi jandanǵanyn atap ótti. Shetelde atalǵan sottardyń sheshimderin taný jáne oryndaý tetikteri talqylanyp, AHQO Sotyn ilgeriletýge jáne onyń TMD elderindegi mártebesi týraly aqparattandyrýǵa kómek kórsetildi.
JS Tóraǵasy Joǵarǵy Sottyń AHQO ınvestorlar men bıznesti tartý ortalyǵyna aınalýyna múddeli ekenin, bul, óz kezeginde, Qazaqstannyń senimi men ınvestısııalyq tartymdylyǵyn arttyratynyn atap ótti.
L.Bernett, óz kezeginde, Joǵarǵy Sotpen Yntymaqtastyq týraly memorandýmdy júzege asyrý sheńberinde AHQO Soty men HAO tórelik ortalyǵynyń qyzmeti týraly habardar etti.
Taraptar birqatar birlesken is-sharalardy ótkizýdi talqylady jáne mundaı ózara is-qımyl AHQO sot organdarynyń qyzmetin keńeıtýge yqpal etetinine senim bildirdi.
Aıta ketsek, Yntymaqtastyq týraly memorandýmǵa 2021 jyly QR Joǵarǵy Sotynyń, AHQO Sotynyń jáne Halyqaralyq arbıtraj ortalyǵynyń (HAO) basshylary qol qoıǵan. Ol sot tóreliginiń biryńǵaı standarttaryn ilgeriletý boıynsha birlesken bastamalardy júzege asyrýǵa baǵyttalǵan.
Memorandýmǵa qatysýshylar halyqaralyq baǵdarlamalar, kópjaqty qarym-qatynastar men baılanystar, sondaı-aq bilim berý jáne ǵylymı-zertteý is-sharalary, quqyqtyq aqparatpen sot praktıkasymen ózara almasý sheńberinde kommersııalyq daýlardy sheshý salasynda zertteý jáne tájirıbe almasý, konsýltasııalar júrgizý, ózara qoldaý kórsetý jáne ortaq ustanymdardy damytýdy josparlaǵan.
