Aqparattar aǵyny

*El ekonomıkasyn bank­ter tarapynan nesıelendirý kólemi byltyr 7,2 paıyzǵa ósti. Ulttyq banktiń habarlaýynsha, sektordyń jıyntyq aktıvteri 2014 jyly 17,9 paıyzǵa kóbeıip, 18 239,3 mlrd. teńgeni quraǵan. *Memleketimizde mık­ro­qarjy naryǵynda 100 mlrd. teńgege jýyq nesıe berilgen. Mıkroqarjy uıymdary qaý­ymdastyǵynyń dırektory Anatolıı Glýhovtyń aıtýynsha, elimiz boıynsha usynylǵan shaǵyn nesıelerdiń 60 paıyzy mıkroqarjy uıymdaryna tıesili. *Bıyl Astanada 108,6 shaqyrym jol salynyp, jóndeledi. Qalalyq jolaýshylar kóligi jáne avtomobıl joldary basqarmasy atap kórsetkendeı, elordadaǵy 11 turǵyn alabynda jalpy uzyndyǵy 24 shaqyrymdy quraıtyn 30 kóshe salynady. *Taldyqorǵanda jańa poshta bólimshesi paıdalanýǵa berildi. Almaty oblystyq ákimdigi baspasóz qyzmetiniń dereginshe, bul «Qazposhta» AQ №8 baılanys bólimshesinde halyqqa zeınetaqy alý, kommýnaldyq tólemder, aqshalaı aýdarymdar jasaý, salyq tóleý, taǵy basqa da kóptegen qyzmet túri usynylady. Sondaı-aq, oblys aýmaǵynda endi engizilip jatqan postamat alǵash ret osy bólimshege ornatylmaq. *Ordabasy aýdanynda jańa emhana qatarǵa qosyldy. Ońtústik Qazaqstan oblystyq ákimdiginiń baspasóz qyzmeti aýdandaǵy Qajymuqan eldi mekeninde ashylǵan jańa dárigerlik ambýlatorııaǵa 86 mln. teńge jumsalǵanyn jetkizdi. Munda medısına qyzmetkerlerine de, em alýshylarǵa da barlyq jaǵdaı jasalǵan. *«Kóne Taraz» jobasy myńdaǵan turǵyndardy jumyspen qamtıdy. Jambyl oblystyq ákimdigi baspasóz qyzmetiniń málimetine qa­ra­ǵanda, ústimizdegi jyldyń qyrkúıeginde Qazaq handy­ǵynyń 550 jyldyǵyn toılaý kezinde «Kóne Taraz» saıa­baǵynyń alǵashqy nysandary qonaqtardy qabyldaıdy. Aıta keteıik, mundaǵy arheo­logııalyq zertteýlerge, es­kertkishterdi qalpyna kelti­rýge, ınfraqurylym men qu­rylys jumystaryna 6 mlrd. teńge jumsalmaq. *Kókshetaýdan Atyraý men Aqtaýǵa qatynaıtyn qo­symsha áýe reısteri ashyldy. Aqmola oblysy ákim­diginiń baspasóz qyzmeti jolaýshylar tasymalyn «SCAT áýekompanııasy» AQ júzege asyratynyn málimdedi. Bul el azamattarynyń Aqtaý men Atyraý aeroporttary arqyly Soltústik Kavkaz óńirine, Reseıdiń ońtústigine, Túrkııa men basqa da elderge ushýǵa múmkindik beredi. Habarlar Úkimet, oblystyq ákimdikter saıttary, «QazAqparat» agenttigi jáne nur.kz derekteri boıynsha daıyndaldy.