Jámıla Tıranada top jardy

Atalǵan jarysta jal­ǵyz altyndy Jámıla Baqbergenova olja­lady. Qatysýshylar sany­nyń azdyǵynan 72 kg salmaq dá­re­jesindegi básekeler aınal­maly júıe boıynsha ótti. Tusaý­keser kezdesýinde Eýro­pa chem­pıonatynyń tolyq júl­de jı­yntyǵynyń ıegeri, ýkraı­nalyq Alla Belınskaıadan basym túsken ol kelesi beldesýde Aleksandre Iýnıs Glaýdenge jol berdi. Odan keıin Panamerıka oıyndarynyń eki dúrkin kúmis júldegeri, argentınalyq Lında Machýkýdy jyqqan Jámıla Albanııadaǵy reıtıngtik jarys­tyń jeńimpazy atandy.

Asa aýyr salmaqta saıysqa túsken Elmıra Syzdyqova reseı­lik Valerııa Trıfonova men rý­mynııalyq Aleksandra And­je­lıdi aıqyn basymdyqpen utqanymen, jartylaı fınalda AQSh-tyń ókili Dımon Gýılfordtan aılasyn asyra almady. Qola medal úshin saıysta qytaılyq Iаnlandi jeńdi. 

Erkin kúres sheberleriniń jarysynda 86 kg salmaqtaǵy Bolat Saqaev pen Rústem Myrzaǵalıev qana jeńis tuǵyryna kóterile aldy. Alǵashqy aınalymdarda komandalyq áriptesi Danııar Qaısanov pen qyrǵyzstandyq Muhamad Abdollaevty jeń­gen Bolat jartylaı fınalda grýzııalyq Tarıel Gaphrın­dashvılıdi jolynyn yǵystyrdy. Fınalda amerıka­lyq Chand­ler Marstellerge ese jiberip, kúmis medaldy moınyna ildi. Rústem úshinshi oryn úshin báse­ke­de polshalyq Sebastıan Iаzerjanskıdi oısyrata utty.  

Grek-rım kúresi sheberleri týrnırdi úsh qolamen qory­tyn­dy­lady. Júlde ıeger­leri – Era­syl Ma­myrbekov, Er­sin Abıyr (55 kg), Baǵdat Sabaz (67 kg). Úshinshi oryn úshin tar­tys­ta qandastarymyz óz qarsylastaryn bas kótertpeı utty. Erasyl albanııalyq Endı Mýkany, Er­sin qyrǵyz Ulan Mu­rat­bekulyn, Baǵdat qy­taılyq Lı Leıdi erkin eńserdi.