Sport • 06 Naýryz, 2025

Jarys kúndeligi

50 ret

kórsetildi

2 mın

oqý úshin

Sofııada aıaqtalǵan «Bulgaria Open» halyqaralyq týrnırin elimizdiń taekvondoshylar quramasy 14 medalmen qorytyndylady. Bas júldeni Maqsat Orynbasar (74 kg) oljalasa, Nodıra Ahmedova (49 kg), Áziret Dúısenbek (54 kg), Bektóre Oralhanov (58 kg), Batyrhan Tóleýǵalı (80 kg), Nurlan Myrzabaev (87 kg) kúmispen kúpteldi. Nuraı Baýyrjanova (49 kg), Aıdana Súndetbaı (53 kg), Artýr Serik (54 kg), Nuraı Qazynabek (57 kg), Kámıla Aımuqasheva (62 kg), Amanbol Begimbetov (63 kg), Damır Shúlenov (68 kg), Mergen Ǵanıev (80 kg) qolaǵa qol jetkizdi.

Ǵalym SÚLEIMEN

Fýtzaldan elimizdiń quramasy 7 naýryzda Astanada «Eýro-2026» dodasynyń irikteý týrnıri aıasynda Albanııaǵa qarsy oınaıdy. Arada bes kún ótkennen keıin Erevanda Armenııamen sheberlik baıqasady. Aldaǵy matchtarda komandanyń bas bapkeri Paýlo Rıkardo Kaka myna jigitterge senim artyp otyr: Qaqpashylar – Raýan Atantaev («Semeı»), Narýn Serikov («Qaırat»), Raýan Sısenǵalıev («Aıat»). Qaptaldaǵy oıynshylar – Birjan Orazov, Dáýren Tursaǵulov, Arnold Knaýb, Jahangır Ráshıt, Damır Qaıyrbaı («Qaırat»), Shyńǵys Esenamanov, Aqjol Dáribaı, Erjan Qarmenov («Semeı»), Leo Mendonka (RFSh, Latvııa), Azat Valıýllın («Aıat»), Ashat Kúlbaev («Aqtóbe»), Nursultan Pııaly («Ordabasy»), Aleksandr Derıabın («Tıýmen», Reseı).

Short-trekten Kanadanyń Kalgarıinde ótken jastar arasyndaǵy álem birinshiligin elimizdiń quramasy tórt júldemen qorytyndylady. 1000 metrge júgirgen Alına Ájiǵalıeva qola medaldy moınynda jarqyratsa, taǵy bir kúmis pen qos qolany jerlesterimiz estafetalyq saıysta jeńip aldy.

Fransııanyń Kann qalasynda shahmattan Festival International des Jeux 2025 týrnıri óz máresine jetti. 147 qatysýshynyń qatarynda 8 grossmeıster (GM, WGM), 21 halyqaralyq sheber (IM) boldy. Jarysta Qazybek Nógerbek sátti óner kórsetti. 9 partııadan soń 7 upaı jınap, qola medaldy ıelendi.

17-25 mamyr aralyǵynda Qatardyń astanasy – Dohada ústel tennısinen álem chempıonatynyń jalaýy jelbireıdi. Dúbirli dodada qazaq eli namysyn Kırıll Gerasımenko (jeke saıys), Aıdos Kenjeǵulov/Sanjar Jubanov (juptyq saıys), Sarvınoz Mirqadyrova/Záýresh Aqasheva (juptyq saıys), Vladıslav Zaharov/Baqdáýlet Ákimáli (juptyq saıys), Eskendir Harkı/Angelına Romanovskaıa (mıkst) qorǵaıdy.