Konsertti Mádenıet jáne aqparat mınıstri Aıda Balaevanyń qutyqtaý hatymen vıse-mınstr Aıbek Sydyqov ashyp berdi.
«Jarty ǵasyrdan astam ýaqyt ishinde óner ujymy qazaq mádenıetiniń jaryq juldyzyna aınalyp, ulttyq ónerdi álemge tanytýda mańyzdy ról atqardy. Sizder halyqtyq bı óneriniń eń úzdik dástúrlerin saqtap, ony urpaqtan-urpaqqa jetkizip kelesizder. Qazaq mádenıetiniń ajyramas bóligi retinde ansambl estradanyń damýyna zor úles qosty. Búgingi tańda «Gúlder» ansambli tek elimizde ǵana emes, halyqaralyq deńgeıde de keńinen tanylyp, óziniń erekshe oryndaýshylyq sheberligimen moıyndalýda. Sizderdiń sahnadaǵy árbir óner kórsetý erekshelikterińiz kórermenderge estetıkalyq lázzat syılap, qazaq mádenıetiniń baı murasyn kórsetip, onyń mańyzdylyǵyn aıqyndaıdy, – delingen quttyqtaý hatta.
Kórermenine tamasha tartý bolǵan mereıtoılyq konsertte Qazaqstannyń halyq ártisi Roza Rymbaeva, Qazaqstannyń eńbek sińirgen ártisi Aıjan Nurmaǵambetova, Qazaqstannyń eńbek sińirgen qaıratkerleri Jeńis Seıdollauly, Aıgúl Elshibaeva, «Daryn» Memlekettik jastar syılyǵynyń laýreattary Álibek Álmadıev, Ádilhan Makın, respýblıkalyq jáne halyqaralyq baıqaýlardyń laýreattary Janar Doǵalova, Mádı Rymbaev, Qýandyq Shalqar, Merýert Baqyt, «Astana sazy» qazaq memlekettik folklorlyq ansambli, «Astana musical» memlekettik teatry, «Turan» etno-folklorlyq ansambli, «Samǵa» toby jáne «Gulder» ansambli óner kórsetti.
