Alaıda onyń ádebı agenti qoljazbany 12 túrli baspaǵa jibergende barlyǵy jarııalaýdan bas tartqan. Tek 1996 jyly Londondaǵy shaǵyn baspa «Bloomsbury» ǵana romanǵa qyzyǵýshylyq tanytypty. Baspa úıiniń ıesi Barrı Kannıngemniń 8 jasar qyzy kitaptyń alǵashqy taraýyn oqyp shyǵyp, shyǵarmanyń qyzyqty ekenin aıtyp, jalǵasyn suraǵan. Osylaısha, «Bloomsbury» baspasy romandy jarııalaýǵa ázer kelisken. О́ıtkeni baspanyń dırektory bul kitaptyń úlken kommersııalyq jetistikke jetetinine senbegen edi. Biraq «Hárrı Potter» jaryq kóre salysymen, oqyrmandardyń úlken qyzyǵýshylyǵyna ıe bolyp, álemdik balalar ádebıetiniń jaýharyna aınaldy.
