- Erteń Aýstrııanyń Lınsinde shymyldyǵy túriletin Gran-prı týrnırinde elimizdiń 14 dzıýdoshysy kúresedi. Álem chempıonatynyń eki dúrkin qola júldegeri Ábıba Ábýjaqynova (48 kg), qurlyq chempıony Danııar Shamshaev (73 kg), Azııa oıyndarynyń qola júldegeri Nurlyhan Sharhan (100 kg) syndy tanymal sańlaqtarmen birge Tolǵanaı Ábeýova (52 kg), Dana Ábdirova (57 kg), Samalaı Erǵalıeva (63 kg), Aqerke Ramazanova (+78 kg), Talǵat Orynbasar (60 kg), Nurmuhammed Botabaı (66 kg), Qýan Barys (73 kg), Mádı Amangeldi (81 kg), Azat Kúmisbaı (81 kg), Meıirlan Maksım (90 kg), Jantilek Nurtilepuly (+100 kg) tatamıge shyǵady.
- 7 naýryzda Grekııanyń Geraklıon shaharynda semserlesýden Álem kýboginiń kezeńdik saıysy bastalady. Ejelgi Ellada elinde Áıgerim Sarybaı, Karına Dospaı, Anastasııa Gýlık, Dılıara Isabekova syndy sportshylarǵa senim artylyp otyr.
- AQSh-tyń Indıan-Ýells qalasynda ótetin halyqaralyq týrnırde elimizdiń birneshe tennısshisi óner kórsetedi. Alǵashqy aınalymda Aleksandr Býblık (ATR №82) japonııalyq Iýsýke Vatýnakımen (349), Aleksandr Shevchenko (ATR №98) aýstralııalyq Rınkı Hıdjıkatamen (83) kúsh synasady. Elena Rybakına (WTA №7) men Iýlııa Pýtınseva (№20) jarysty ekinshi kezeńnen bastaıdy. Iýlııa argentınalyq Marııa Karle (103) men chehııalyq Katerına Sınıakova (59), Elena Chehııanyń taǵy bir ókili Marı Boýzkova (50) men fransııalyq Sıýzan Lammens (64) arasyndaǵy kezdesýdiń jeńimpazymen sheberlik baıqasady.
- Fýtboldan elimizdiń premer-lıgasynyń I týrynyń qorytyndysy boıynsha Túrkistannyń «Turan» klýby sapyndaǵy ózbekstandyq legıoner Shahboz Ýmarov eń úzdik oıynshy dep tanyldy. Kókshetaýdyń «Oqjetpesine» qarsy kezdesýde 25 jastaǵy jartylaı qorǵaýshy bir gol soǵyp, bir ret nátıjeli pas berdi. 8-9 naýryz kúnderi ótetin ekinshi týrda myna komandalar ózara kúsh synasady: «Oqjetpes» – «Atyraý», «Jetisý» – «Ulytaý», «Jeńis» – «Tobyl» , «Qaırat» – «Ordabasy», Aqtóbe» – «Turan», «Elimaı» – «Qaısar», «Qyzyljar» – «Astana».
