«Aq úı endi joıatyn 5200 kelisimshart sheńberinde ondaǵan mıllıard dollar AQSh-tyń negizgi ulttyq múddelerine sáıkes jumsalmaǵany, al keıbir jaǵdaıda tipti keri áserin tıgizgeni anyqtaldy», dep málimdedi memlekettik hatshy Rýbıo H áleýmettik jelisinde.
Onyń aıtýynsha, Kongrespen júrgizilgen konsýltasııalardan keıin qalǵan shamamen 1000 baǵdarlama AQSh memlekettik departamentiniń tikeleı basqarýyna ótedi.
Aıta keteıik, AQSh prezıdenti Donald Tramp buǵan deıin USAID basshylyǵynda aldaǵy ýaqytta ózgerister bolatynyn málimdegen edi. «Bul agenttikke bir top radıkaldar-bassyzdar basshylyq etedi. Biz olardy jumystan bosatamyz, sodan keıin sheshim qabyldaımyz», degen bolatyn Tramp.
USAID azamattyq syrtqy kómek pen damý salasyndaǵy yntymaqtastyqty basqarýǵa jaýapty. Táýelsiz agenttiktiń jyldyq bıýdjeti 42,8 mıllıard dollar.
