Foto: primeminister.kz
Premer-mınıstr Oljas Bektenov ekologııa jáne tabıǵı resýrstar mınıstri Erlan Nysanbaevtyń aldaǵy sý tasqyny kezeńi qarsańynda aýa raıynyń boljamy týraly baıandamasyn tyńdaǵannan keıin, oblys ákimderine sý tasqynyna daıyndyqty baqylaýda ustaýdy tapsyrdy.
«Sý tasqyny kezeńiniń bastalýyna da kóp ýaqyt qalǵan joq. Ákimder bul máseleni erekshe baqylaýǵa alýy qajet. Tótenshe jaǵdaı týraly halyqty habardar etetin barlyq júıeniń turaqty jumysyn qamtamasyz etińizder. Áleýmettik jeliler men buqaralyq aqparat quraldarynda aqparattyq-túsindirý jumystaryn kúsheıtý kerek. Tótenshe jaǵdaılar mınıstrligi sý tasqynyna tolyǵymen daıyn bolýǵa tıis. Sondaı-aq ortalyq jáne jergilikti memlekettik organdardyń jumysyn úılestirýdi qamtamasyz etsin», dedi Oljas Bektenov.
Sondaı-aq Úkimet basshysy taıaýda osy máselege qatysty respýblıkalyq jedel shtabtyń otyrysyn ótkizýge daıyndyqty bastaýǵa tapsyrma berdi.
