Foto:Ashyq derekkóz
Mınıstrdiń habarlaýynsha, sarapshylar qaýymdastyǵyn tarta otyryp biryńǵaı ýaqyt beldeýine kóshýdiń halyq densaýlyǵyna, energııa tutynýǵa jáne eńbek ónimdiligine áserin zertteý maqsatynda keshendi monıtorıng júrgizilgen.
Zertteý ádistemesi ýaqyt beldeýin engizýdiń áserin baǵalaý úshin 40-tan astam kórsetkishti qamtyǵan. Onyń ishinde:
- Densaýlyq saqtaý salasy – túrli jas toptary men qala jáne aýyl turǵyndary qamtylǵan;
- Energııa tutyný – elektr qýatyn tutyný statıstıkasy, sonyń ishinde eń joǵary júkteme kezeńderi zerttelgen;
- Eńbek tıimdiligi – jumys kólemi, keshigýler men jumystan qalý jaǵdaılary, jaraqat alý faktileri men tártip buzýshylyqtar taldanǵan.
«Nátıjeler birtutas ýaqyt beldeýine kóshýdiń halyqtyń ómirlik belsendiliginiń negizgi kórsetkishterine teris áseri joq ekenin kórsetti», dedi Arman Shaqqalıev.
Bul rette Oljas Bektenov Parlament Májilisimen birlesip, tıisti jumysty uıymdastyrýdy tapsyrdy.
«Memleket basshysy Úkimet pen Parlamentke atalǵan máseleni egjeı-tegjeıli qarap, birlesip ońtaıly sheshim qabyldaýdy tapsyrǵanyn bilesizder. Mınıstrdiń baıandamasynda aıtylǵandaı, monıtorıng biryńǵaı ýaqyt beldeýin engizý týraly qabyldanǵan sheshimniń teris áseri joq ekenin kórsetti», dedi O.Bektenov.
