Jańa meıramhana qazaqstandyq brend servıstiń joǵary deńgeıin qamtamasyz etetin, ónim qaýipsizdigin qatań baqylaıtyn jáne meıramhana bıznesiniń úzdik tájirıbelerin ustanatyn halyqaralyq sapa standarttaryna saı bola alatynyn kórsetti.
I’M brendi 2023 jyldyń basynda quryldy. QSR salasyndaǵy kóp jyldyq tájirıbe men naryqty tereń túsinýdi biriktire otyryp, biz álemdik sapa standarttary ulttyq ereksheliktermen úılesim tabatyn ózimizdiń meıramhanalar jelimizdi ashtyq.
Jańa meıramhana oń jaǵalaýdyń eń ortalyq tusynda – Imanov kóshesiniń boıynda ashyldy. Meıramhana – jeliniń 25-inshi, al qazaqstandyq I'M brendi aıasynda ashylǵan alǵashqy meıramhana. Jaıly meıramhana 117 orynǵa arnalǵan. «Jaqsy kórshi» tujyrymdamasy aıasynda árbir meıramhanany ashý aldynda oǵan tıesili aýmaqqa sapaly abattandyrý jumystary júrgiziledi. Meıramhananyń ashylýy aýdannyń damýy úshin de mańyzdy qadam bolyp otyr: jańa jumys oryndary ashylyp, qala turǵyndary men qonaqtaryna sapaly ári qoljetimdi servıs kórsetiledi. Brend jergilikti óndiriske basymdyq berip, qazaqstandyq óndirýshilerdi eń balǵyn da tabıǵı azyq-túlikti óndirýge yntalandyrady. Bul óńir ekonomıkasynyń damýyna oń yqpalyn tıgizedi.
Astanada I'M meıramhanasynyń ashylýy kóńildi de merekelik kóńil-kúıde ótti. Qonaqtar oıyn-saıyq baǵdarlamasyn, ıllıýzıonısterdiń ónerin tamashalap, baıqaýlarǵa qatysty, syılyqtarǵa ıe boldy.
Keshtiń eń aıshyqty oqıǵasy – taıaýda londondyq «Chelsımen» Qazaqstan fýtboly úshin rekordtyq somada kelisimshart jasasqan qazaqstandyq fýtbolshy, «Qaırat» fýtbol akademııasynyń 16 jastaǵy tárbıelenýshisi Dastan Sátpaevtyń qatysýy boldy. Ashylý rásimine oraı ol kesh qonaqtaryna avtograf jáne fotosessııa ótkizip, bul sportsúıer jáne ózge de qonaqtary úshin erekshe tosynsyıǵa aınaldy.
I’M jumysynyń birinshi jylǵy qorytyndylary: mıllıondaǵan qonaqtar men rekordtyq satylymdar
I'M brendi jumysynyń birinshi jylynyń ózinde burynǵy jyldardyń kórsetkishterimen para-par óte joǵary satyp alý deńgeıine qol jetkizdi:
✔ 12 mıllıonnan astam býrger satyldy
✔ Búkil el boıynsha meıramhanalar jelisinde 16 mıllıonnan astam adam qonaq boldy
Mundaı kórsetkishter brendke degen joǵary senimdi, onyń sapaǵa jumys isteıtinin jáne qazaqstandyq tutynýshylardyń kóńilinen shyǵatynyn dáleldeıdi.
Búginde jańartylǵan as mázirinde 200-den astam pozısııa bolsa, onyń qatarynda Naýryzǵa oraı arnaıy ázirlengen otandyq alǵashqy Qazan Burger de bar. Kompanııa elimizde HACCP júıesin (táýekelderdi jáne synı baqylaý núktelerin taldaý) engizgen sanaýly brendterdiń biri, jetkizýshiler barlyq qajetti halyqaralyq sertıfıkattarǵa ıe jáne jyl saıyn aýdıtten ótedi.
I'M brendi búginde 6 qalada jumys isteıdi, olarda 24 meıramhana qonaq qabyldaıdy jáne ol Qazaqstan Respýblıkasy aýmaǵynda belsendi damyp kele jatyr. I'M elimizde tez qyzmet kórsetýge negizdelgen meıramhana brendteriniń aty eń jıi atalatyn TOP úshtigine kiredi.
«Búginde bizde 1500-den astam adam jumys isteıdi, al ortalyq keńse menedjerleriniń 52%-y – óz mansabyn meıramhanada bastap, kompanııamen birge ósken jandar. Jumystyń birinshi jylynda biz 16 mıllıonnan astam qonaqqa qyzmet kórsettik, al joǵary suranys bolǵan kezeńderde biz ótken jyldardyń kórsetkishin basyp ozdyq. Bul bizdi joǵary sapa úshin tańdaıtyn qonaqtarymyzdyń seniminiń kýási», – dedi brendtiń negizin qalaýshy Qaırat Boranbaev.
«I’M – adamgershilikti, áleýmettik jaýapkershilikti jáne ekologııaǵa qamqorlyqty ustana otyryp, álemdik deńgeıdegi qazaqstandyq brendti qalaı qurýǵa bolatynynyń úlgisi. Kompanııa adamdardy tamaqtandyryp qana qoımaı, jaqsy isterge yntalandyrýǵa personaldan bastap qonaqtarǵa deıin barsha adamǵa ortaq jaıly orta qurýǵa umtylady», – dedi kompanııa dırektory Áset Mashanov.
Alǵashqy qazaqstandyq meıramhana jelisin alý arqyly elimiz úıden tys jerde tamaqtaný ındýstrııasyn damytýǵa senimdi qadam jasady. Bul – halyqaralyq standarttardy endirý, jergilikti óndiristi qoldaý jáne aldaǵy ýaqytta keńeıe túsýge jaǵdaılar jasaý.
I’M qonaqtardy sapaly ónimder, servıstiń joǵary deńgeıi jáne jaıly kóńil-kúımen qamtamasyz ete, otandyq bıznes pen ekonomıkanyń damýyna úles qosa otyryp, meıramhanalar jelisin damytýdy jalǵastyrady.
