Týrızm • 11 Naýryz, 2025

Taǵy bes sheteldik azamat Neo Nomad vızasyn aldy

70 ret

kórsetildi

1 mın

oqý úshin

Byltyr qarasha aıynan bastap iske qosylǵan Neo Nomad vızasyn taǵy bes sheteldik azamat aldy. Bul týraly Týrızm jáne sport mınıstrligi habarlady, dep jazady Egemen.kz.

Dana MYRZAQADIR

Taǵy bes sheteldik azamat Neo Nomad vızasyn aldy

Foto: inbusiness.kz

Neo Nomad vızasyn osy joly alǵandardyń úsheýi - AQSh, bireýi Ulybrıtanııa jáne taǵy bireýi Latvııa azamaty.

Neo Nomad vızasy sheteldik azamattarǵa Qazaqstanda bir jylǵa deıin turýǵa múmkindik beredi. Bul rette olar sheteldegi kompanııalarda qashyqtan jumys isteı alady. Vıza IT, marketıng, qarjy, dızaın jáne konsaltıng salalaryndaǵy jumysyn saıahatpen ushtastyratyn zamanaýı kóshpendilerge arnalǵan.

Ol úshin sheteldik azamattar Qazaqstan Respýblıkasynyń sheteldegi elshilikterine mynadaı qujattardy tapsyrý qajet:

Keıingi 6 aıdaǵy bank shotynan úzindi kóshirme, aı saıynǵy tabysy 3 000 AQSh dollarynan joǵary ekenin rastaıtyn qujat;

Azamattyǵy bar eldiń ýákiletti organy bergen salyq deklarasııasy;

Azamattyǵy nemese turaqty mekenjaıy bar eldiń organy bergen sottalmaǵany týraly anyqtama;

Vızanyń qoldanylý merzimine deıin jaramdy medısınalyq saqtandyrý;

Qazaqstandaǵy týrıstik kompanııalardan shaqyrý (48 eldiń azamaty úshin talap etilmeıdi).

Aıta keteıik, buǵan deıin Neo Nomad vızasyn úsh sheteldik týrıst alǵan edi. Vızany birinshi bolyp energetıka salasynda jumys isteıtin Ulybrıtanııa azamaty ıelengen. Sondaı-aq vızalar Ońtústik Koreıa jáne Sıngapýr azamattaryna berilgen.