Foto: polisia.kz
Áýeli Ekibastuz qalasynyń laýndj-barynyń kassıri jedel qyzmetkerlerdiń nazaryna ilikken. Ol uzaq ýaqyt boıy osy barǵa kelýshilerge esirtki zattaryn satýmen aınalysqan.
Keıin polısııa qyzmetkerleri qalanyń ekinshi turǵynyn anyqtady. Ol jalǵa alý úı-jaıynda qarasora ósirý úshin esirtki zerthanasyn uıymdastyrǵan bolyp shyqty. Laýndj-bardyń ákimshisi odan esirtki zattaryn iri mólsherde satyp alatyny belgili boldy.
Nátıjesinde eki qylmysker de qolǵa tústi.
Tintý kezinde olardan býyp-túıilgen jáne satýǵa daıyndalǵan esirtki quraldary, 4 mln teńgeden astam aqsha, kúdiktilerdiń birine tıesili qymbat avtokólik tárkilendi.
Ustalǵan adamnyń garajynan er adam ydysta ósirgen erekshe ıisi bar jasyl ósimdiktiń 30 butasy, arnaıy suıyqtyǵy bar konteınerler, mıneraldy tyńaıtqyshtar, fıtolampalar, klımattyq baqylaý qondyrǵysy jáne esirtki zerthanasyna arnalǵan basqa da jabdyqtar tabylǵan.
Azamattardyń ústinen qylmystyq is qozǵalyp, ýaqytsha ustaý ızolıatoryna qamaýǵa alyndy.
