Qyzylordalyq jýrnalıst Aıǵalı Qarabalaev ómirden ótti

ASTANA. 19 maýsym. Qyzylordadan sýyt habar keldi: oblystyq «Syr boıy» gazetiniń beldi de baıyrǵy jýrnalısteriniń biri Aıǵalı Qarabalaev kenetten qaıtys bolypty. Bul týraly «Syr boıy» gazetindegi áriptesterimiz habarlady. Qarabalaev Aıǵalı Amanjoluly 1963 jyly 15 aqpanda О́zbekstannyń Syrdarııa oblysy, Kırov aýdany, Kýıbyshev selosynda týǵan. Al balalyq shaǵynan bastap, barlyq sanaly ǵumyry Qyzylorda qalasynda ótti. Ol 1980 jyly oblys ortalyǵyndaǵy №212 mektepti bitirgennen keıin «Transagenstvo» mekemesine tasqalaýshy bolyp jumysqa ornalasady. A.Qarabalaev 1983-1989 jyldary qazirgi ál-Farabı atyndaǵy Qazaq ulttyq ýnıversıtetin syrttaı oqyp bitirgen. Jýrnalıst retindegi eńbek jolyn 1985 jyly Qyzylorda oblystyq «Lenın joly» (qazirgi «Syr boıy») gazetinde tyńdaýshy, korrektor bolýdan bastady. Bir kezderi jaýapty hatshynyń orynbasary, óndiris, qurylys jáne transport sektorynyń meńgerýshisi bolyp qyzmet istedi, redaksııa janyndaǵy «Dármen» kommersııalyq fırmasyn basqardy. Sodan soń hattar sektorynyń ádebı qyzmetkeri, jarnama bıýrosynyń tilshisi, gazettiń Syrdarııa, Jalaǵash jáne Qarmaqshy aýdandaryndaǵy menshikti tilshi boldy. Budan keıin ómiriniń sońyna deıin áleýmettik máseleler, sáýlet bólimderiniń tilshisi bolyp qyzmet atqardy. Osylaısha «Syr boıy» basylymynda taban aýdarmastan, týra 30 jyl eńbek etti. Aıǵalı jumysqa da, dosqa da barynsha adal, júregi keń azamat edi. Ol qolyna qandaı isti alsa da, sony kóńildegideı oryndaǵansha tynym tappaıtyn tabandy da jigerli maman bolatyn. О́zi jastaıynan basty taqyrybyna aınaldyrǵan oblystyń óndirisi men ónerkásibi, transporty men qurylysy, baılanysy men kommýnaldyq sharýashylyq salalarynyń bilgir jýrnalısi edi. О́mirden osylaı naǵyz eńbektiń torysy atanǵan taǵy bir buqaralyq aqparat quraldarynyń ózindik orny bar ókili ótti. Marqumnyń sońynda jubaıy, bir uly men bir qyzy qaldy. Biz Aıǵalı Amanjolulyna jatqan jerińiz jaıly, topyraǵyńyz torqa bolsyn degimiz keledi. Talǵat Raıymbek. Derek, foto: Syr boıy.