Kelinder synǵa tústi

Qazaq halqynyń salt-dástúrin dá­rip­tep, ke­lin­der ıns­­tıtýtynyń ma­ńyz­dy­lyǵyn nası­hat­taý maq­sa­tynda uı­ym­­das-tyryl­ǵan baıqaý bir­neshe bólimnen tur­dy, árbir kezeńde qa­ty­sýshylar jan-jaqty da­ıyn­dyqtaryn kór­setti.

«Men – qazaqtyń ke­linimin» tanystyrý bó­liminde olar ózderin tanystyryp, otbasy, ata-enesi, turmys qun­­dylyqtary týraly áserli áńgimelerin jet­kizdi. Kelinniń ıbasy men ınabattylyǵy osy ke­zeńnen-aq kórindi. Sa­ıystyń «О́nerli kelin – ónegeli kelin» kezeńinde ár kelin óz qabiletin kór­setip, biri áýelete án salsa, endi biri myń burala bı bılep, monolog, óleń oqyp kórermenderdiń yqy­lasyna bólendi. Qaty­sýshy kelinder úshin­shi kezeńde qazaqtyń ulttyq taǵamdaryn daıyn­daý sheberliginen synǵa tústi. Bul kezeńde kelinder baýyrsaq, taba nan, umyt bolyp bara jatqan ta­ǵamdardy ázirlep, qazylar talqysyna usyndy. Ke­linniń otbasyndaǵy, qo­ǵamdaǵy rólin ba­ǵa­laý, tap­qyr­lyǵy men kóregendigin synaý maq­satynda ártúrli turmystyq jaǵdaılar usy­nylyp, olardyń sheshý joldary suraldy. Sondaı-aq kelin­derge jartylaı aıtylǵan maqaldy tolyqtyrý tapsyrmasy be­rilý arqyly olardyń til baılyǵy men ulttyq mu­raǵa degen qurmeti kórindi.

Árbir qatysýshy óziniń ónerimen, sheberligimen erekshelendi.

Bas júldeni jyńǵyl­dylyq Rımma Qorǵanbaeva alsa, birinshi oryn ush­taǵan­dyq Andyz Nur­ly­bekovaǵa, ekinshi oryn saıótestik Fatıma Aral­baevaǵa buıyrdy, úshinshi oryndy ońdylyq Raıgúl Kó­semova men tushybektik Nurzada Edilbaeva bólisse, «Kórermen kózaıymy» atalymy shetpelik Aıdana Bekta­sovaǵa buıyrdy. Baı­qaýǵa qatysqan kelin­derdiń barlyǵy dıplomdarmen jáne baǵaly syı­lyq­tar­men marapattaldy.

«Bul is-shara tek jarys qana emes, aýdandyq áıel­der isteri jáne otbasy-demografııalyq saıa­­sat jó­nin­degi komıssııa jos­paryna saı qazaqtyń otbasy qun­dylyqtaryn, kelin tárbıe­siniń mańyz­dy­lyǵyn dárip­te­gen máni zor mereke boldy. Osyn­­daı ıgi dástúrler jalǵasyn taýyp, urpaqtar sa­baqtastyǵy úzilmesin» deıdi uıymdastyrýshylar.

Mańǵystaý oblysy