Sýret: kz.kursiv.media
Memlekettik syılyqaqyny alýshynyń ortasha jasy – 35. Bul elimizdiń jas turǵyndary, óskeleń urpaq turǵyn úı qurylys jınaq júıesine senedi, turǵyn úı máselesin sheshýde osy quraldy tańdaıdy degen sóz.
Memlekettiń 20% mólsherindegi syılyqaqysy 200 AEK-ten aspaıtyn jınaq somasyna esepteledi. 2024 jyly 1 AEK 3 692 teńgege teń boldy. Bul syılyqaqy alýǵa jaramdy eń joǵary soma 738 400 teńgeni quraǵanyn bildiredi. Zańǵa sáıkes, syılyqaqy tóleýdi memleket qamtamasyz etedi. Osylaısha, ol azamattaryna tezirek aqsha jınap, qoljetimdi sharttarmen baspana máselesin sheshýge septigin tıgizedi.
Memlekettik syılyqaqy buryn ústine atalǵan syılyqaqy qosylmaǵan jınaqtarǵa ǵana aýdarylady. Iаǵnı, bıyl jınaqtalǵan qarajat pen ótken jyly syılaqaqy qosylmaǵan jınaqtardyń qaldyǵy esepke alynady. Eger ótken jyly depozıtte jınaqtalǵan soma 200 AEK-ten asyp ketse, onda syılyqaqysyz qalǵan aıyrma soma memlekettik syılyqaqyny esepteý kezinde eskeriledi. Eger bir salymshynyń bankte birneshe salymy bolsa, onda memlekettik syılyqaqy olardyń bireýine ǵana esepteledi.
2025 jyldyń qorytyndysy boıynsha eń joǵary memlekettik syılyqaqy kólemi 157 280 teńgege teń bolady. Oǵan qol jetkizý úshin salymshylar «Otbasy bankindegi» shotqa keminde 786 400 teńge (200 AEK) jınaqtap, aı saıyn depozıtterin shamamen 65 533 teńgege tolyqtyryp otyrý tıis. Memlekettik syılyqaqy men bank syıaqysyn qosqanda, «Otbasy bank» depozıtteriniń jyldyq tıimdi syıaqy mólsherlemesi 14%-ǵa jetedi.
