Foto: TSM
Týrızm jáne sport mınıstrliginiń málimetinshe, bul jetistik Qazaqstan sportynda 31 jyldan keıingi tarıhı jeńis bolyp otyr. Sebebi keıingi ret «Hrýstal globýsty» elimizge 1994 jyly shańǵyshy Vladımır Smırnov (1990/1991 jáne 1993/1994 jylǵy maýsym) ákelgen edi.
11 naýryz kúni Shvesııanyń Torsbı qalasynda maýsymnyń sońǵy jarysy – sprınt ótti. Erbol Hamıtov bul jarysta ekinshi oryn ıelenip, maýsym boıy jınaǵan upaılarynyń arqasynda «Hrýstal globýsqa» qol jetkizdi. Bul maýsymda Erbol birneshe mańyzdy jeńisterge qol jetkizip, jalpy esepte 1005 upaı jınady. Sonymen qatar, ol bıatlonnan álem chempıonatynda altyn medal ıelendi.
Endi otandasymyz 2026 jyly Italııada ótetin Qysqy Paralımpıadada jeńiske jetýdi josparlap otyr.
