Fransııa elshisimen kezdesti

Kezdesý barysynda Máýlen Áshimbaev dıplomatty taǵaıyn­dalýymen quttyqtap, Fransııa Qazaqstannyń Eýropalyq odaqtaǵy strategııalyq seriktesteriniń biri ekenin atap ótti. Suhbat kezinde eki el arasyndaǵy baılanysty nyǵaıtý isinde memleket basshylarynyń dostyq qarym-qatynasy eleýli ról atqaratyny, sonyń arqasynda búgin­de kóptegen salada mańyzdy keli­sim­derge qol jetkizilgeni aıtyldy.

«Búginde Qazaqstan men Fransııa arasynda eń joǵa­ry deń­geıde syndarly saıası dıa­log qa­lyp­tasty. Eki el prezı­dent­­teriniń ózara saparlary mem­leket­teri­miz­diń yn­ty­maqtastyǵyna tyń ser­pin berdi. Sonyń aıasynda stra­tegııa­lyq serik­testikti nyǵaıtý­ǵa baǵyt­talǵan Bir­lesken deklara­sııaǵa qol qoıyl­dy. Bizdiń Parla­ment­tiń eki palata­synda da Fran­sııamen dostyq top­tary jumys isteıdi. Olardyń qyz­meti de­pýtattar arasyndaǵy ynty­maq­­tas­tyqty arttyrýdyń mańyz­dy te­tigi ekeni anyq. Aldaǵy ýaqyt­ta ju­­mys top­­tary­nyń áleýetin bel­sen­di pa­ı­­da­lan­ǵan abzal», dedi M.Áshimbaev.

Kezdesýde saýda-ekonomı­ka­lyq, ınvestısııalyq jáne ınf­ra­qury­lymdyq yntymaqtastyq máse­leleri talqylandy. Taraptar klımat­tyq kún tártibine, energetıka salasyna, sıfrlandyrý men jasan­dy ıntel­lektini damytýǵa qatys­ty birlesken mindetterdi de belgiledi.

Sonymen qatar Máýlen Áshimbaev Memleket basshysy Qasym-Jomart Toqaevtyń bastamasymen Qazaqstanda júrgizilip jat­qan reformalarǵa toqtalyp ótti. Palata spıkeri ornyqty damý­ǵa, ınklıýzıvti qoǵam qurýǵa, rýha­nı dıplomatııany ilgeriletýge arnal­ǵan jobalar jóninde keńirek aıtyp, bıyl qyrkúıek aıynda ótetin Álemdik jáne dástúrli dinder kósh­basshylarynyń «Dinder dıa­logi: bolashaq jolyndaǵy sınergııa» atty VIII sezine nazar aýdardy.

О́z kezeginde Sılvan Gıoge Qazaq­stannyń jahandyq syn-qater­­lerdi eńserý, áleýmettik-eko­no­mı­kalyq jáne saıası re­for­malar­dy iske asyrý jo­lyn­daǵy taban­dy­lyǵyn joǵary baǵalady. Sondaı-aq ol Parlament Senatymen ekijaqty yntymaqtastyqty odan ári keńeı­týge múddeli ekenin bildirdi.