Komıtet tóraǵasy Nurtóre Júsip óz sózinde jasóspirim qyzdardyń júktiligi problemasy keshendi tásildi talap etetin quqyqtyq jáne áleýmettik ótkir másele ekenin atap ótti. Onyń aıtýynsha, erte ana bolý jas analar men olardyń balalarynyń densaýlyǵyna keri áserin tıgizedi, bilim alý men tolyqqandy damý múmkindikterin shekteıdi.
«Bizdiń dóńgelek ústel jasóspirim qyzdardyń quqyqtaryn qamtamasyz etý jóninde atqarylǵan jáne aldaǵy jumystardy talqylaýǵa baǵyttalǵan. Profılaktıkalyq sharalardy kúsheıtý, jastardyń habardarlyq deńgeıin arttyrý, jasóspirimderge dárigerlik jáne psıhologııalyq qyzmetterdiń qoljetimdiligin jaqsartý basym mindetterdiń qataryna jatady. Mekemearalyq ózara is-qımyldyń tıimdi tetikterin ázirleý de mańyzdy. Ol osy máseleni keshendi tásilmen sheshýdi qamtamasyz etýge múmkindik beredi», dedi N.Júsip.
Otyrys barysynda reprodýktıvti densaýlyq boıynsha bilim baǵdarlamalarynyń sapasyn arttyrý máseleleri, jasóspirimder júktiliginiń aldyn alýdaǵy memlekettik jáne úkimettik emes uıymdardyń róli, sondaı-aq jasóspirim qyzdardy qoldaý úshin qolaıly jaǵdaı jasaý jónindegi sharalar talqylandy.
Qatysýshylar kámeletke tolmaǵandardyń quqyqtaryn qorǵaý jumystary turaqty negizde júrgizilip jatqanyn atap ótti. Bul baǵytta memlekettik qurylymdar ǵana emes, sonymen qatar qoǵamdyq uıymdar, sarapshylar qaýymdastyǵy jáne halyqaralyq áriptester de erekshe ról atqarady.
Qatysýshylar dóńgelek ústeldi qorytyndylaı kelip, zań erejelerin jetildirý, aǵartýshylyq bastamalardy damytý jáne ómirde qıyn jaǵdaıǵa tap bolǵan jasóspirimderdi qoldaý júıesin keńeıtý jónindegi jumysty odan ári jalǵastyrý qajettigin atap ótti.
