Foto: Aýyl sharýashylyǵy mınıstrliginiń baspasóz qyzmeti
Jaıyq-Kaspıı aralyq basseındik balyq sharýashylyǵy ınspeksııasynyń qyzmetkerleri Kaspıı ıtbalyqtarynyń jataqtary ornalasqan araldarǵa Mańǵystaý oblysy ákimdigimen, «Qazaq balyk» respýblıkalyq balyq sharýashylyǵy jáne akvakýltýra qaýymdastyǵynyń ókilderimen, qoǵam belsendilerimen birlesip, áýeden sholý jasady.
Sholý – Aqtaý áýejaıynan bastap Burynshyq múıisine deıingi aýmaqty qamtyǵan onyń ishinde Soltústik Kaspıı, Itbalyq araly, Baýtıno kenti, Saýra jeri zerttelgen.
Aýyl sharýashylyǵy mınıstrliginiń málimetinshe ekspedısııa barysynda muzda nemese sýda, tabıǵı mekendeý ortasynda 130-150-ge jýyq ıtbalyqtyń bar ekeni anyqtalyp otyr.
Jaǵalaý syzyǵynan alysta, dalada nemese eldi mekenderge taıaý jerlerde ıtbalyqtar baıqalmaǵan.
Kaspıı ıtbalyqtaryna arnalǵan rezervat qurý – bul joıylyp ketý qaýpi tónip turǵan sý marjandaryn saqtaý úshin mańyzdy qadam.
