Qyzyljar meshiti aýyzashar berdi

PETROPAVL. 19 maýsym. «Qyzyljar» meshitiniń bas ımamy, oblystyń ýákil ımamy Kenjetaıqajy Beısembaıulynyń uıymdastyrýymen 500 adamǵa arnalyp aýyzashar berildi.   Qaıyrymdylyq sharaǵa aımaq basshysy Erik Sultanov qatysty. Bul týraly oblystyq din isteri basqarmasynyń mamandary habarlady. Túrkııadan Ramazan aıyn ótkizýge arnaıy kelgen Kamıl Gýl qarı Quran hatym baǵyshtady. Erik Hamzauly óz sózinde meshitke jınalǵan jamaǵatty orazanyń bastalýymen quttyqtap, ultaralyq, konfessııaaralyq tatýlyq, birlik tiledi. 15 jastaǵy jas qarı Omardyń da arabshaǵa júıriktigi kórinip turdy.  Almatyda  uıymdastyrylǵan Quran oqý jarysynda kózge túsken ol  súrelerden esh  múdirmedi. Aýyzasharda ımandylyq, qaıyrymdylyq, orazanyń saýaby, ıslam dininiń mán-mańyzy jaıly ýaǵyzdar aıtylyp, onyń ótkizilýine belsene atsalysqan kásipkerler qurmetteldi. Solardyń biri Sermuhambetqajy Oralulyna erekshe iltıpat kórsetildi. Qazaqstan musylmandar dinı basqarmasynyń tóraǵasy, bas múftı Erjanqajy Malǵajyulynyń alǵys hattaryna bir top etnomádenı birlestikter ıe boldy. Budan keıin 500 adamǵa dastarhan jaıylyp, aýyzashar berildi. Aldaǵy ýaqytta mundaı izgi dástúrdi jekelegen musylman uıymdary jalǵastyrýǵa nıet etip otyr. О́mir Esqalı. Derekk: Soltústik Qazaqstan oblystyq din isteri basqarmasy. Sýret: egemen.kz