Mundaı keremet syılyqty jergilikti kásipker Mereke Baıjan usynǵan.
«Zerde» mamandandyrylǵan mektebiniń túlekteri tarapynan ıgi bastamalar jıi kóteriledi. Byltyrǵy qarasha aıynda mektep túlegi Mereke Baıjan mekteptiń pán olımpıadasynda jetistikke jetken 11-synyptyń eki oqýshysyna 30 myń teńgeden stıpendııa taǵaıyndaǵan bolatyn.
Mektepti 2014 jyly bitirgen kásipker buǵan deıin bilim oshaǵynyń 20 jyldyq mereıtoıyn bir mıllıon teńge aqshalaı qarajatpen qoldaǵan.
«Bul joly da ol tamasha bastamasymen túlekterdi bilimge erekshe talpyndyrmaq. Mereke Baıjan bıylǵy Ulttyq biryńǵaı testileýde 140 upaı jınaǵan mektep túlegine bes mıllıon teńgeniń sertıfıkatyn tapsyrmaq», - delingen habarlamada.
