Sýretshi 91 jasqa kelgen shaǵynda da qolynan qylqalamyn tastamaǵan. Kúnine úsh, tórt, tipti bes kartına salady eken. «Ýaqytym az, tym azaıyp barady, al aıtarym óte kóp» dep júrip, oǵash músinder jasaýmen de aınalysqan. Maımyldy jasaý úshin Pıkasso onyń betiniń ornyna oıynshyq kólikti, quıryǵynyń ornyna kóliktiń serippesin paıdalanyp, denesin qumyradan, synǵan kofe saptyaıaǵynyń ustaǵyshynan jasady. Osy sekildi músinderdiń bárin ol aınalasyndaǵy zattardan qurastyrǵan. Sóıtip, bul shyǵarmashylyq eńbegin Pıkasso «Tabylǵan óner» dep ataǵan.
