Foto: Úkimettiń baspasóz qyzmeti
Bıyl О́nerkásip jáne qurylys mınıstrligi men óńirlerdiń aldynda elimizde keminde 19 mln sharshy metr turǵyn úı salý mindeti tur. Shtab otyrysynda 2025 jyldyń alǵashqy eki aıynda Qazaqstanda 1,9 mln sharshy metr turǵyn úı paıdalanýǵa berilgeni aıtyldy. Bul 2024 jyldyń qańtar-aqpan aılarymen salystyrǵanda 6,8%-ǵa tómen. Onyń ishinde 1,2 mln sharshy metri – kóppáterli turǵyn úıler, al 713 myń sharshy metri – jeke úıler. О́nerkásip jáne qurylys mınıstrligi Qurylys jáne TKSh isteri komıteti tóraǵasynyń orynbasary Qanat Myńbaevtyń aıtýynsha, qurylys qarqynynyń tómendeýi maýsymdyq jaǵdaılarǵa baılanysty, degenmen kún jylynysymen bul kórsetkishter qaıta qalpyna keledi.
«Almaty oblysynda 2024 jyly negizgi kapıtalǵa salynǵan ınvestısııa kólemi 980 mlrd teńgeni (80% jeke, 20% bıýdjettik) qurasa, 2025 jylǵa qoıylǵan KPI – 1,35 trln teńge. Aldyn ala málimetter boıynsha, 2024 jyly tikeleı sheteldik ınvestısııa kólemi $541 mln-ǵa jetedi, 2025 jyly KPI – $532 mln. Bıylǵy eki aıda 89 mlrd teńge ınvestısııa tartyldy, bul ótken jyldyń sáıkes kezeńimen salystyrǵanda 16%-ǵa artyq. Investısııalardyń negizgi úlesi – bıýdjetten tys qarajat. О́ńirde eń tartymdy ınvestısııalyq salalar – ónerkásip (32%), jyljymaıtyn múlik (22%), kólik jáne qoımalaý (16%), bilim berý (17%). Qazirgi ýaqytta oblystyń ınvestısııalyq portfeli 57 myń jumys ornyn ashatyn 6,3 trln teńge somasyndaǵy 200 jobany quraıdy. 2025 jyly osy jobalardyń 35-i iske qosylyp, 303 mlrd teńgege 4,8 myń jańa jumys orny ashylady», delingen habarlamada.
Shtab otyrysynda Almaty oblysynyń ákimi Marat Sultanǵazıev ınvestısııalyq jobalardyń júzege asýyn tejeıtin birqatar máselelerdi kóterdi. Solardyń biri – Alataý qalasynyń bas josparyn túzetýge baılanysty. Bes joba iske asyrýdyń belsendi kezeńine ótse de, 11 joba jobalaý jáne qurylys júrgizýge qajetti ruqsat qujattaryn ala almaı otyr. Vıse-premer О́QM-ge bul máseleni jaqyn arada sheshýdi tapsyrdy.
«Taǵy bir joba – balyq sharýashylyǵy kesheniniń qurylysy – ınvestısııalyq sýbsıdııalar boıynsha lımıtterdiń qysqarýyna baılanysty óndiristik qýattardy keńeıtýdiń odan ári kezeńderin tejedi. Qýattylyǵy 1 myń tonna, al quny 9,5 mlrd teńgeni quraıtyn 1-kezeń iske qosylǵannan keıin, qalǵan 70 mlrd teńgeni quraıtyn 9 kezeń ınvestısııalardy memleket tarapynan ári qaraı óteýge qatysty belgisizdikke baılanysty toqtatyldy», delingen habarlamada.
Premer-mınıstrdiń orynbasary AShM-ge ınvestor keshenniń qurylysyn jalǵastyra alýy úshin balyq ónimderi jobasyndaǵy lımıtterdi qaıta qaraýdy tapsyrdy.
Sondaı-aq otyrysta jer ýchaskelerin bólý, ınfraqurylymdy júrgizý, Almaty oblysynyń birqatar týrıstik nysandaryna jol salý máseleleri qaraldy.
«Túrkistan oblysy klasterlik úlgide damyp keledi. Qazirgi ýaqytta óńirde úsh iri klaster qurylǵan: maqta-mata (5 joba, 197 mlrd teńge), júgeri (2030 jylǵa deıin júgeri ósirý kólemin 30%-ǵa arttyrý jáne krahmal-potokasy zaýytyn iske qosý) jáne et óndirisi (5 joba, 43 mlrd teńge). Jalpy, 2024-2027 jyldarǵa arnalǵan ınvestısııalyq jobalar portfeliniń quny 2,5 trln teńgeni quraıtyn 145 jobany qamtıdy. Bul jobalar aıasynda 20,3 myń jańa jumys orny ashylyp, bıýdjetke 100 mlrd teńge qosymsha salyq túsimi kútilýde. 2024 jyly 137 mlrd teńgege 57 joba iske asyrylyp, 2,2 myńnan astam jańa jumys orny ashyldy. 2025 jyly taǵy 57 joba 322 mlrd teńgege iske qosylyp, 6,9 myń jańa jumys orny ashylady. Tek aýyl sharýashylyǵy salasynda 68 joba júzege asyrylyp, 423,7 mlrd teńge ınvestısııa tartylady, nátıjesinde 9,2 myńnan astam jańa jumys orny ashylady dep kútiledi», dep habarlady Úkimettiń baspasóz qyzmeti.
Shtab otyrysynyń qorytyndysy boıynsha Serik Jumanǵarın barlyq óńirlerge jergilikti bıýdjetten ınvestısııalyq jobalarǵa qarjy bólýdi ýaqytyly qamtamasyz etýdi tapsyrdy. Al respýblıkalyq bıýdjetten qarastyrylǵan transfertter belgilengen merzimde bólinetin bolady.
«Bıyl Úkimet áleýmettik-ekonomıkalyq ósý boljamdarymen salystyrǵanda ekonomıkalyq ósý ındıkatorlaryn ulǵaıtý mindetin qoıyp otyr. Bul úshin biz «Báıterek» holdıngi arqyly iri bıznes pen ShOB-ty 8 trln teńgege nesıelendirýge 1 trln teńge baǵyttaımyz. Eń basty nazar – JQQ beretin qaıta óńdeý jobalaryna aýdarylady. Ulttyq ekonomıka mınıstrligi árbir óńir úshin ekonomıkalyq ósim ındeksiniń salalyq dekompozısııasyn jasady, al О́QM jaqyn arada turǵyn úı qurylysynyń 19 mln sharshy metr kólemine qol jetkizý boıynsha uqsas shemany usynady. Barlyq qoıylǵan ındıkatorlar belgilengen merzimde oryndalýy tıis», dedi Serik Jumanǵarın.
