«Qazirdiń ózinde alys-jaqyn shetelderge keńinen tanymal Býrabaı jeriniń mol múmkindikteri bar. Osy kýrorttyq aımaqty damytýdyń 2029 jylǵa deıingi keshendi jospary qabyldandy. Ony júzege asyrý úshin shamamen 140 mıllıard teńge bólinedi. Qarjynyń jartysyna jýyǵy – jeke ınvestısııalar. Úkimet pen oblys ákimdigi qujatta kórsetilgen mindetterdi sapaly oryndaýǵa tıis.
Eń aldymen Shýchınsk-Býrabaı kýrorttyq aımaǵyndaǵy ınfraqurylymdy damytý qajet. Barlyq ekologııalyq talaptar qatań saqtalýǵa tıis. Týrısterge álemdik standarttarǵa saı qyzmet kórsetilýi kerek», dedi Prezıdent.
Sondaı-aq Memleket basshysy Kókshetaýda salynatyn eń iri nysan týraly atap ótti.
«Jańadan salynatyn Kongress-ortalyq Býrabaıdyń betke ustar orny bolýy qajet. Ortalyq iske qosylatyn bolsa, demalys aımaǵyna jurttyń qyzyǵýshylyǵy da arta túsedi. Sondaı-aq týrıstik maýsymnan tys ýaqytta adamdar kóptep kele bastaıdy. Úkimet pen ákimdikke osy máseleni tyńǵylyqty qarastyrýdy tapsyramyn.
Oblystyń orasan zor týrıstik áleýeti Shýchınsk-Býrabaı aýmaǵymen ǵana shektelmeıdi. Demalys aımaǵy retinde múmkindigi mol Zerendi, Sandyqtaý, Aqkól jáne basqa da jerlerdi jan-jaqty damytý qajet», dedi Q. Toqaev.
