Qazaqstan Respýblıkasynyń Zańy Memlekettik jastar saıasaty týraly № 285-V QRZ

Osy Zań memlekettik jastar saıasaty salasynda týyn­daıtyn qoǵamdyq qatynastardy retteıdi. 1-taraý. JALPY EREJELER 1-bap. Osy Zańda paıdalanylatyn  negizgi uǵymdar Osy Zańda mynadaı negizgi uǵymdar paıdalanylady: 1) jas maman – jıyrma toǵyz jasqa tolmaǵan, tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilim berý uıymdarynda bilim beretin oqý baǵdarlamalaryn meńgergen jáne bilim týraly qujatta kórsetilgen mamandyq boıynsha úsh jyldan aspaıtyn ýaqyt jumys istep júrgen Qazaqstan Respýblıkasynyń azamaty; 2) jas otbasy – erli-zaıyptylardyń ekeýi de jıyrma toǵyz jasqa tolmaǵan otbasy ne balany (balalardy) jıyrma toǵyz jasqa tolmaǵan ata-ananyń bireýi tárbıeleıtin tolyq emes otbasy; 3) jastar – Qazaqstan Respýblıkasynyń on tórt jas­tan jıyrma toǵyz jasqa deıingi azamattary; 4) jastarǵa arnalǵan áleýmettik ınfraqurylym – memlekettik jastar saıasatyn iske asyrý úshin qajetti obektiler (úıler, qurylystar, ǵımarattar), sondaı-aq jas azamattardyń densaýlyǵyn saqtaý, olarǵa bilim berý, olardy tárbıeleý, áleýmettik qyzmet kórsetý, dene bitimin, rýhanı jáne ımandylyq turǵysynan damytý, olardyń jumyspen qamtylýyn qamtamasyz etý jáne olardyń qoǵamdyq qajettilikterin qanaǵattandyrý jónindegi qyzmetti júzege asyratyn uıymdar júıesi; 5) «Qazaqstan jastary» ulttyq baıandamasy – memle­kettik jastar saıasatynyń iske asyrylýyn taldaýdy jáne ony jetildirý jónindegi usynymdardy qamtıtyn jyl saıynǵy esep; 6) memlekettik jastar saıasaty – memleket júzege asyratyn jáne jastardy qoldaý men damytýǵa baǵyttalǵan áleýmettik-ekonomıkalyq, uıymdastyrýshylyq jáne quqyqtyq sharalar júıesi; 7) memlekettik jastar saıasaty máseleleri jónindegi ýákiletti organ (budan ári – ýákiletti organ) – memle­kettik jastar saıasaty salasynda basshylyqty jáne salaaralyq úılestirýdi júzege asyratyn ortalyq atqarýshy organ; 8) óńirlik jastar forýmy – jergilikti atqarýshy organdar men jastar arasyndaǵy ózara is-qımyldyń óńirlik deńgeıin qalyptastyrý maqsatynda ótkiziletin jastar ókilderiniń forýmy; 9) respýblıkalyq jastar forýmy – óńirlik forýmdarda saılanǵan jastar ókilderiniń memlekettik organdar men jastar arasyndaǵy ózara is-qımyldyń jalpyulttyq deńgeıin qalyptastyrý maqsatynda ótkiziletin forýmy. 2-bap. Qazaqstan Respýblıkasynyń memlekettik jastar saıasaty salasyndaǵy zańnamasy 1. Qazaqstan Respýblıkasynyń memlekettik jas­tar saıa­saty salasyndaǵy zańnamasy Qazaqstan Res­pýblıkasynyń Konstıtýsııasyna negizdeledi jáne osy Zań men Qazaqstan Respýblıkasynyń ózge de nor­matıvtik-quqyqtyq aktilerinen turady. 2. Eger Qazaqstan Respýblıkasy ratıfıkasııalaǵan halyqaralyq shartta osy Zańdaǵydan ózgeshe qaǵıdalar belgilense, onda halyqaralyq sharttyń qaǵıdalary qoldanylady. 3-bap. Memlekettik jastar saıasatynyń maqsaty, mindetteri jáne qaǵıdattary 1. Memlekettik jastar saıasatynyń maqsaty jas­tardyń rýhanı, mádenı, bilim alyp, kásibı jáne dene bitiminiń tolyqqandy damýy, sheshimder qabyldaý prosesine qatysýy, oıdaǵydaı áleýmettenýi jáne olardyń áleýetin eldi odan ári damytýǵa baǵyttaý úshin jaǵdaılar jasaý bolyp tabylady. 2. Memlekettik jastar saıasatynyń mindetteri: 1) jastardyń quqyqtary men zańdy múddelerin qorǵaý; 2) jastardy eldiń áleýmettik-ekonomıkalyq jáne qoǵamdyq-saıası ómirine tartý; 3) azamattyqqa tárbıeleý jáne qazaqstandyq patrıo­tızm sezimin nyǵaıtý bolyp tabylady. 3. Memlekettik jastar saıasaty: 1) mádenı, ımandylyq jáne rýhanı qundylyqtardyń basymdyǵy; 2) azamattyq, jaýapkershilik, eńbeksúıgishtik; 3) konfessııaaralyq kelisim men etnosaralyq taǵattylyq; 4) urpaqtar sabaqtastyǵy, otbasylyq tárbıeniń basymdyǵy; 5) memlekettik jastar saıasatyn qalyptastyrýǵa jáne iske asyrýǵa jastardyń qatysýy; 6) memlekettik jastar saıasatyn qalyptastyrýǵa jáne iske asyrýǵa ǵylymı, keshendi jáne dáıekti kózqaras qaǵıdattaryna negizdeledi. 4-bap. Memlekettik jastar saıasatynyń negizgi baǵyttary Memlekettik jastar saıasatynyń negizgi baǵyttary: 1) qoljetimdi jáne sapaly bilim berýdi qamtamasyz etý, ǵylymı-tehnıkalyq áleýetti damytý; 2) densaýlyqty saqtaý jáne nyǵaıtý, salamatty ómir saltyn qalyptastyrý; 3) jumysqa ornalasý men jumyspen qamtý úshin jaǵdaılar jasaý; 4) jastar arasynda kásipkerlik qyzmetti damytý úshin jaǵdaılar jasaý; 5) jas otbasylar úshin qoljetimdi turǵyn úı júıesin damytý; 6) quqyqtyq mádenıet deńgeıin arttyrý, sybaılas jemqorlyq kórinisterine tózbeýshilikke tárbıeleý; 7) ekologııalyq mádenıetti qalyptastyrý; 8) daryndy jastardy damytýǵa járdemdesý; 9) mádenı bos ýaqyt pen demalys úshin jaǵdaılardy qamtamasyz etý bolyp tabylady. 2-taraý. MEMLEKETTIK ORGANDARDYŃ MEMLEKETTIK JASTAR SAIаSATY SALASYNDAǴY QUZYRETI 5-bap. Qazaqstan Respýblıkasy Úkimetiniń quzyreti Qazaqstan Respýblıkasynyń Úkimeti: 1) memlekettik jastar saıasatynyń negizgi baǵyttaryn ázirleıdi jáne onyń júzege asyrylýyn uıymdastyrady; 2) Qazaqstan Respýblıkasynyń Prezıdentine «Qazaqstan jastary» ulttyq baıandamasyn engizedi; 3) «Daryn» memlekettik jastar syılyǵyn berý tártibin, onyń aqshalaı syıaqy mólsherin jáne nomınasııalaryn bekitedi; 4) ózine Qazaqstan Respýblıkasynyń Konstı­týsııasymen, zańdarymen jáne Qazaqstan Respýblıkasy Prezıdentiniń aktilerimen júktelgen ózge de fýnksııalardy oryndaıdy. 6-bap. Ýákiletti organnyń quzyreti Ýákiletti organ: 1) memlekettik jastar saıasatyn qalyptastyrady jáne iske asyrady; 2) memlekettik jastar saıasaty máseleleri boıynsha jergilikti atqarýshy organdardy úılestirýdi jáne olarǵa ádistemelik basshylyq jasaýdy júzege asyrady; 3) jastar uıymdarymen memlekettik jastar saıa­saty máseleleri boıynsha ózara is-qımyldy jáne yntymaqtastyqty júzege asyrady; 4) memlekettik jastar saıasaty máseleleri boıynsha memlekettik áleýmettik tapsyrysty qalyptastyrýdy jáne iske asyrýdy júzege asyrady; 5) memlekettik jastar saıasaty máseleleri boıynsha túsindirý jumysyn júzege asyrady; 6) memlekettik jastar saıasatyn ǵylymı jáne ádistemelik qamtamasyz etýdi júzege asyrady; 7) memlekettik jastar saıasaty salasyndaǵy nor­matıvtik-quqyqtyq aktilerdi ázirleıdi jáne bekitedi; 8) «Qazaqstan jastary» ulttyq baıandamasyn daıyndaý jáne ony Qazaqstan Respýblıkasynyń Úkimetine engizý jónindegi jumysty uıymdastyrady jáne úılestiredi; 9) ákimdikter janyndaǵy jastar isteri jónindegi keńester týraly úlgilik erejeni ázirleıdi jáne bekitedi; 10) respýblıkalyq jastar forýmyn ótkizý tártibin jáne óńirlik jastar forýmy týraly úlgilik qaǵıdalardy ázirleıdi jáne bekitedi; 11) jastar resýrstyq ortalyqtary týraly úlgilik erejeni ázirleıdi jáne bekitedi; 12) «Daryn» memlekettik jastar syılyǵyn berý tártibin ázirleıdi; 13) jastardyń volonterlik qyzmetin damytýǵa járdemdesedi; 14) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 7-bap. Bilim berý salasyndaǵy ýákiletti organnyń quzyreti Bilim berý salasyndaǵy ýákiletti organ óz quzyreti sheginde: 1) memlekettik jastar saıasatyn iske asyrady; 2) jastar uıymdarymen bilim berý máseleleri boıynsha ózara is-qımyldy jáne yntymaqtastyqty júzege asyrady; 3) bilim berý máseleleri boıynsha memlekettik áleýmettik tapsyrysty qalyptastyrýdy jáne iske asyrýdy júzege asyrady; 4) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 8-bap. Ǵylym salasyndaǵy ýákiletti organnyń quzyreti Ǵylym salasyndaǵy ýákiletti organ óz quzyreti sheginde: 1) memlekettik jastar saıasatyn iske asyrady; 2) jastar uıymdarymen ǵylym máseleleri boıynsha ózara is-qımyldy jáne yntymaqtastyqty júzege asyrady; 3) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 9-bap. Densaýlyq saqtaý salasyndaǵy ýákiletti organnyń quzyreti Densaýlyq saqtaý salasyndaǵy ýákiletti organ óz quzyreti sheginde: 1) memlekettik jastar saıasatyn iske asyrady; 2) jastar uıymdarymen densaýlyq saqtaý máseleleri boıynsha ózara is-qımyldy jáne yntymaqtastyqty júzege asyrady; 3) jastar arasynda densaýlyq saqtaý jáne salamatty ómir saltyn nasıhattaý máseleleri boıynsha memlekettik áleýmettik tapsyrysty qalyptastyrýdy jáne iske asyrýdy júzege asyrady; 4) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 10-bap. Eńbek jónindegi ýákiletti memlekettik organnyń quzyreti Eńbek jónindegi ýákiletti memlekettik organ óz quzyreti sheginde: 1) memlekettik jastar saıasatyn iske asyrady; 2) jastardy jumysqa ornalastyrýǵa jáne jumyspen qamtýǵa járdemdesý jóninde sharalar ázirleıdi; 3) «Jastardyń eńbek bırjasy» biryńǵaı aqparattyq portalynyń jumys isteýin qamtamasyz etedi; 4) jastar uıymdarymen jastardy jumysqa ornalas­tyrýǵa jáne jumyspen qamtýǵa járdemdesý máseleleri boıynsha ózara is-qımyldy jáne ynty­maqtastyqty júzege asyrady; 5) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 11-bap. Kásipkerlik jónindegi ýákiletti organnyń quzyreti Kásipkerlik jónindegi ýákiletti organ óz quzyreti sheginde: 1) memlekettik jastar saıasatyn iske asyrady; 2) jastar júzege asyratyn kásipkerlik qyzmetti damytý jóninde sharalar ázirleıdi; 3) jastar uıymdarymen jastar arasynda kásipkerlik qyzmetti damytý máseleleri boıynsha ózara is-qımyldy jáne yntymaqtastyqty júzege asyrady; 4) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 12-bap. Mádenıet salasyndaǵy ýákiletti organnyń quzyreti Mádenıet salasyndaǵy ýákiletti organ óz quzyreti sheginde: 1) memlekettik jastar saıasatyn iske asyrady; 2) daryndy jastardy jáne bolashaǵy bar jastar shyǵarmashylyq ujymdaryn izdestirý men qoldaýǵa baǵyttalǵan is-sharalar keshenin júzege asyrady; 3) jastar uıymdarymen mádenıet máseleleri boıynsha ózara is-qımyldy jáne yntymaqtastyqty júzege asyrady; 4) jastardyń mádenıet, qoǵamdyq kelisim men ulttyq birlikti nyǵaıtý máseleleri jónindegi bastamalaryn qoldaýǵa baǵyttalǵan memlekettik áleýmettik tapsyrysty qalyptastyrýdy jáne iske asyrýdy júzege asyrady; 5) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 13-bap. Dene shynyqtyrý jáne sport salasyndaǵy ýákiletti organnyń quzyreti Dene shynyqtyrý jáne sport salasyndaǵy ýákiletti organ óz quzyreti sheginde: 1) memlekettik jastar saıasatyn iske asyrady; 2) jastardyń qatysýymen sport túrleri, onyń ishinde ulttyq, tehnıkalyq jáne qoldanbaly túrleri, buqaralyq sport boıynsha jarystar ótkizedi; 3) dene shynyqtyrý jáne sport salasyndaǵy bilim men jetistikterdi, salamatty ómir salty qaǵıdattaryn, onyń ishinde jastar arasynan joǵary dárejedegi sportshylardyń qatysýymen nasıhattaýdy júzege asyrady; 4) jastar uıymdarymen dene shynyqtyrý jáne sport máseleleri boıynsha ózara is-qımyldy jáne yntymaqtastyqty júzege asyrady; 5) jastar arasynda dene shynyqtyrý jáne sport máseleleri boıynsha memlekettik áleýmettik tapsyrysty qalyptastyrýdy jáne iske asyrýdy júzege asyrady; 6) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 14-bap. Dinı qyzmet salasyndaǵy ýákiletti organnyń quzyreti Dinı qyzmet salasyndaǵy ýákiletti organ óz quzyreti sheginde: 1) memlekettik jastar saıasatyn iske asyrady; 2) jastar arasynda konfessııaaralyq kelisim men dinı taǵattylyqty nyǵaıtý boıynsha túsindirý jumysyn júzege asyrady; 3) jastar uıymdarymen konfessııaaralyq kelisim men dinı taǵattylyqty nyǵaıtý boıynsha ózara is-qımyldy jáne yntymaqtastyqty júzege asyrady; 4) jastar arasynda konfessııaaralyq kelisim men dinı taǵattylyqty nyǵaıtý máseleleri boıynsha memlekettik áleýmettik tapsyrysty qalyptastyrýdy jáne iske asyrýdy júzege asyrady; 5) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 15-bap. Ishki ister organdarynyń quzyreti Ishki ister organdary óz quzyreti sheginde: 1) memlekettik jastar saıasatyn iske asyrady; 2) jastar arasyndaǵy quqyq buzýshylyqtardyń profılaktıkasy jóninde sharalar qoldanady; 3) jastardy áskerı-patrıottyq tárbıeleý jóninde sharalar qoldanady; 4) jastar uıymdarymen jastar arasyndaǵy quqyq buzýshylyqtardyń profılaktıkasy boıynsha ózara is-qımyldy jáne yntymaqtastyqty júzege asyrady; 5) jastar arasyndaǵy quqyq buzýshylyqtardyń profılaktıkasy máseleleri boıynsha memlekettik áleýmettik tapsyrysty qalyptastyrýdy jáne iske asyrýdy júzege asyrady; 6) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 16-bap. Qorǵanys mınıstrliginiń quzyreti Qorǵanys mınıstrligi óz quzyreti sheginde: 1) memlekettik jastar saıasatyn iske asyrady; 2) jastardy áskerı-patrıottyq tárbıeleý jóninde sharalar qoldanady; 3) jastar uıymdarymen qorǵanys jáne áskerı qyzmet máseleleri boıynsha ózara is-qımyldy jáne yntymaqtastyqty júzege asyrady; 4) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 17-bap. Qorshaǵan ortany qorǵaý salasyndaǵy ýákiletti organnyń quzyreti Qorshaǵan ortany qorǵaý salasyndaǵy ýákiletti organ óz quzyreti sheginde: 1) memlekettik jastar saıasatyn iske asyrady; 2) jastar arasynda ekologııalyq mádenıetti qalyptastyrý jóninde sharalar qoldanady; 3) jastar uıymdarymen qorshaǵan ortany qorǵaý máseleleri boıynsha ózara is-qımyldy jáne ynty­maqtastyqty júzege asyrady; 4) jastar arasynda qorshaǵan ortany qorǵaý máseleleri boıynsha memlekettik áleýmettik tapsyrysty qalyptastyrýdy jáne iske asyrýdy júzege asyrady; 5) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 18-bap. Buqaralyq aqparat quraldary salasyndaǵy ýákiletti organnyń quzyreti Buqaralyq aqparat quraldary salasyndaǵy ýákiletti organ óz quzyreti sheginde: 1) memlekettik jastar saıasatyn iske asyrady; 2) jastar uıymdarymen buqaralyq aqparat quraldary máseleleri boıynsha ózara is-qımyldy jáne yntymaqtastyqty júzege asyrady; 3) memlekettik jastar saıasaty máseleleri boıynsha memlekettik aqparattyq saıasatty júrgizý jónindegi memlekettik tapsyrysty ornalastyrady; 4) osy Zańda, Qazaqstan Respýblıkasynyń ózge de zańdarynda, Qazaqstan Respýblıkasy Prezıdentiniń jáne Qazaqstan Respýblıkasy Úkimetiniń aktilerinde kózdelgen ózge de ókilettikterdi júzege asyrady. 19-bap. Jergilikti ókildi jáne atqarýshy organdardyń quzyreti 1. Oblystyń, respýblıkalyq mańyzy bar qalanyń jáne astananyń, aýdannyń (oblystyq mańyzy bar qalanyń) jergilikti ókildi organy óz quzyreti sheginde: 1) jylyna keminde bir ret jergilikti atqarýshy organdar basshylarynyń memlekettik jastar saıasatynyń iske asyrylý barysy týraly esepterin tyńdaıdy; 2) ákimdikter janyndaǵy jastar isteri jónindegi keńesterdiń qyzmetine qatysady; 3) jylyna keminde bir ret memlekettik jastar saıasatynyń iske asyrylý máseleleri boıynsha jarııa tyńdaýlar ótkizedi; 4) Qazaqstan Respýblıkasynyń zańnamasyna sáıkes aza­mattardyń quqyqtary men zańdy múddelerin qamtamasyz etý jónindegi ózge de ókilettikterdi júzege asyrady. 2. Oblystyń, respýblıkalyq mańyzy bar qalanyń jáne astananyń, aýdannyń (oblystyq mańyzy bar qalanyń) jergilikti atqarýshy organy óz quzyreti sheginde: 1) memlekettik jastar saıasatyn iske asyrady; 2) ózekti problemalardy anyqtaý jáne sheshý, memle­kettik jastar saıasatyn iske asyrýdyń tıimdiligin arttyrý úshin monıtorıng júrgizýdi jáne jastardyń qajettilikterin baǵalaýdy qamtamasyz etedi; 3) jastardy jumyspen qamtý jáne jumysqa orna­lastyrý saıasatyn iske asyrýdy qamtamasyz etedi, eńbek naryǵynyń jáne jas mamandardy ju­mys­qa ornalastyrý praktıkasynyń monıtorıngin uıymdastyrady; 4) jastardyń volonterlik qyzmetin jáne jastardyń ózin-ózi basqarýyn damytýǵa járdemdesedi; 5) jastar resýrstyq ortalyqtaryn qurady, olardyń qyzmetin qamtamasyz etedi jáne úılestiredi; 6) óńirlik jastar forýmyn ótkizýdi qamtamasyz etedi; 7) qazaqstandyq patrıotızmdi, konfessııaaralyq kelisim men etnosaralyq taǵattylyqty nyǵaıtý jóninde sharalar qoldanady; 8) Qazaqstan Respýblıkasynyń zańnamasymen jergilikti atqarýshy organdarǵa júkteletin, jergilikti memlekettik basqarý múddelerinde ózge de ókilettikterdi júzege asyrady. 3-taraý. MEMLEKETTIK JASTAR SAIаSATYN QALYPTASTYRÝDYŃ JÁNE ISKE ASYRÝDYŃ TETIKTERI 20-bap. Respýblıkalyq jáne óńirlik jastar forýmdary 1. Jastar forýmy respýblıkalyq jáne óńirlik deńgeılerde ótkiziledi. 2. Respýblıkalyq jastar forýmy: 1) ortalyq memlekettik organdar men jastar, jastar uıymdary arasyndaǵy dıalog pen ózara is-qımyldy; 2) memlekettik jastar saıasatyn iske asyrý máselelerin talqylaýdy qamtamasyz etedi. 3. Respýblıkalyq jastar forýmynda «Qazaqstan jastary» ulttyq baıandamasy talqylanady, ortalyq jáne jergilikti atqarýshy organdardyń esepteri tyńdalady, onyń qorytyndylary boıynsha Qazaqstan Respýblıkasynyń Úkimetine memlekettik jastar saıasatyn jetildirý jóninde usynymdar engiziledi. 4. О́ńirlik jastar forýmy: 1) jergilikti atqarýshy organdar men jastar, jastar uıymdary arasyndaǵy dıalog pen ózara is-qımyldy; 2) memlekettik jastar saıasatyn iske asyrý máselelerin talqylaýdy; 3) memlekettik jastar saıasatyn jetildirý jóninde usynymdar tujyrymdaýdy qamtamasyz etedi. 21-bap. Memlekettik jastar saıasaty salasyndaǵy konsýltatıvtik-keńesshi organdar 1. Qazaqstan Respýblıkasy Prezıdentiniń janyndaǵy Jastar saıasaty jónindegi keńes konsýltatıvtik-keńesshi organ bolyp tabylady, onyń ókilettikterin, qyzmetin uıymdastyrý jáne onyń tártibin Qazaqstan Respýblıkasynyń Prezıdenti aıqyndaıdy. 2. Ákimdikter janyndaǵy jastar isteri jónindegi keńester Qazaqstan Respýblıkasynyń zańnamasyna sáıkes qurylatyn jáne óz qyzmetin memlekettik jastar saıasatyn jetildirý jáne vedomstvoaralyq ózara is-qımyldyń tıimdiligin arttyrý jóninde usynymdar tujyrymdaý maqsatynda júzege asyratyn konsýltatıvtik-keńesshi organdar bolyp tabylady. 3. Jastar uıymdaryn damytý jónindegi úılestirý keńesi Qazaqstan Respýblıkasynyń zańnamasyna sáıkes qurylatyn jáne óz qyzmetin jastar uıymdarynyń tıimdi ózara is-qımyl jasaýy, qyzmetin úılestirýdi kúsheıtý jáne odan ári jetildirý jóninde usynymdar tujyrymdaý maqsatynda júzege asyratyn, ýákiletti organ janyndaǵy konsýltatıvtik-keńesshi organ bolyp tabylady. 4. Ortalyq atqarýshy organdarda úkimettik emes uıymdarmen, onyń ishinde jastar uıymdaryn tarta otyryp, ózara is-qımyl jasaý jáne yntymaqtastyq jónindegi keńester qurylýy múmkin. 22-bap. Jastarǵa arnalǵan áleýmettik ınfraqurylym 1. Memlekettik organdar Qazaqstan Respýblıkasynyń zańnamasyna sáıkes jastarǵa arnalǵan áleýmettik ınfraqurylym qurýdy jáne onyń jumys isteýin qamtamasyz etedi. 2. Jastar uıymdary Qazaqstan Respýblıkasynyń zańnamasynda aıqyndalǵan tártippen úılerdi, qurylystardy, ǵımarattardy jáne ózderiniń jarǵylyq maqsattaryn júzege asyrý úshin qajetti ózge de múlikti óteýsiz paıdalanýǵa alýy múmkin. 23-bap. Jastar resýrstyq ortalyqtary 1. Jastar resýrstyq ortalyqtary jastar men jas­tar uıymdaryn qoldaý jáne damytý úshin qyzmetter kórsetý maqsatynda qurylady. 2. Jastar resýrstyq ortalyqtary jastardyń bastamalaryn aqparattyq-ádistemelik, konsýltasııalyq súıemeldeý men qoldaýdy, jastar arasyndaǵy ahýaldyń monıtorıngin jáne ony taldaýdy júzege asyrady. 3. Bıýdjet qarajaty esebinen qarjylandyrylatyn jastar resýrstyq ortalyqtary kórsetetin qyzmetter tegin usynylady. 24-bap. «Jastar» ǵylymı-zertteý ortalyǵy 1. «Jastar» ǵylymı-zertteý ortalyǵy memlekettik jastar saıasatyn iske asyrýdy ǵylymı qamtamasyz etý maqsatynda Qazaqstan Respýblıkasy Úkimetiniń sheshimimen qurylady. 2. «Jastar» ǵylymı-zertteý ortalyǵy ǵylymı zert­teýler júrgizedi jáne memlekettik jastar saıasatyn iske asyrýdy ádistemelik qamtamasyz etýdi júzege asyrady. 3. «Jastar» ǵylymı-zertteý ortalyǵynyń qyzmetin qarjylandyrý bıýdjet qarajaty esebinen, sondaı-aq Qazaqstan Respýblıkasynyń zańnamasynda tyıym salynbaǵan ózge de kózder esebinen júzege asyrylady. 25-bap. Jastarǵa arnalǵan áleýmettik qyzmetter 1. Jastarǵa arnalǵan áleýmettik qyzmetter óz qyzmetin jastardyń zııatkerlik, rýhanı, dene bitiminiń, shyǵarmashylyq turǵysynan damýy, kásibı daıarlyǵy jáne kásipkerlik áleýetin iske asyrý úshin jaǵdaılar jasaý maqsatynda júzege asyrady. 2. Jastarǵa arnalǵan áleýmettik qyzmetter qyzmetiniń negizgi baǵyttary: 1) ómirlik qıyn jaǵdaıda júrgen, arnaýly bilim berý uıymdarynan jáne erekshe rejimde ustaıtyn bilim berý uıymdarynan oralǵan, alkogolızmnen, nashaqorlyqtan, ýytqumarlyqtan emdeýden ótken jastarǵa, sondaı-aq múgedekter qataryndaǵy jastarǵa psıhologııalyq-pedagogıkalyq, medısınalyq-áleýmettik, zań kómegin jáne konsýltasııa berýdi júzege asyrý; 2) jastardyń quqyqqa qarsy áreketteriniń profılaktıkasy; 3) turǵylyqty jeri boıynsha jastardyń bos ýaqytyn uıymdastyrý; 4) jastardyń kásipkerlik qyzmetin qoldaý men damytý; 5) jastardyń ózin-ózi basqarýyn damytýǵa jár­demdesý; 6) Qazaqstan Respýblıkasynyń zańnamasyna qaıshy kelmeıtin ózge de áleýmettik mańyzy bar baǵyttar bolyp tabylady. 26-bap. Halyqaralyq yntymaqtastyq 1. Qazaqstan Respýblıkasynyń memlekettik jastar saıasaty salasyndaǵy halyqaralyq yntymaqtastyǵy Qazaqstan Respýblıkasy zańnamasynyń jáne Qazaqstan Respýblıkasy halyqaralyq sharttarynyń negizinde júzege asyrylady. 2. Qazaqstan Respýblıkasynyń memlekettik organdary memlekettik jastar saıasaty salasyndaǵy halyqaralyq yntymaqtastyqqa: 1) jastar men jastar uıymdaryn Qazaqstan Res­pýblıkasy múshesi bolyp tabylatyn halyqaralyq uıymdardyń qyzmetine tartý; 2) tájirıbe almasýǵa, dostyq jáne iskerlik qarym-qatynastardy damytýǵa yqpal etetin is-sharalardy uıymdastyrý; 3) Qazaqstan Respýblıkasynyń zańnamasyna qaıshy kelmeıtin ózge de is-sharalardy uıymdastyrý arqyly járdem kórsetedi. 27-bap. Memlekettik jastar saıasatyn qarjylyq qamtamasyz etý Memlekettik jastar saıasatyn qarjylandyrý bıýdjet qarajaty jáne Qazaqstan Respýblıkasynyń zańnamasynda tyıym salynbaǵan ózge de kózder esebinen júzege asyrylady. 4-taraý. JASTARDYŃ MEMLEKETTIK JASTAR SAIаSATYN QALYPTASTYRÝǴA JÁNE ISKE ASYRÝǴA QATYSÝY 28-bap. Jastar uıymdary 1. Jastar uıymy úkimettik emes uıym bolyp tabylady, onyń qyzmeti jastardy damytýǵa, olardyń ózin-ózi kórsetýine, quqyqtary men zańdy múddelerin qorǵaýǵa, sondaı-aq jastardyń áleýmettik, mádenı, bilim alý, rýhanı jáne ózge de qajettilikterin qanaǵattandyrýǵa baǵyttalady, jastar ókilderi onyń músheleri (qatysýshylary) bolyp tabylady. 2. Jastar uıymdary: 1) memlekettik jastar saıasatynyń ózekti máselelerin talqylaýǵa; 2) memlekettik jastar saıasaty salasyndaǵy konsýl­tatıvtik-keńesshi organdardyń qyzmetine; 3) respýblıkalyq jáne óńirlik jastar forýmdarynyń jumysyna; 4) jastardyń ózin-ózi basqarý organdarynyń qyz­metine qatysýǵa quqyly. 29-bap. Jastardyń volonterlik qyzmeti 1. Jastardyń volonterlik qyzmeti jeke jáne zańdy tulǵalardyń múddelerinde óteýsiz negizde júzege asyrylatyn erikti, qoǵamǵa paıdaly qyzmet bolyp tabylady. 2. Jastardyń volonterlik qyzmeti saıası partııalardy jáne dinı birlestikterdi qoldaýǵa baǵyttalmaýǵa tıis. 30-bap. Jastardyń ózin-ózi basqarýy 1. Jastardyń ózin-ózi basqarýy tulǵalyq jáne kásibı ósý, qoǵamda oıdaǵydaı áleýmettený, óziniń zııat­kerlik jáne shyǵarmashylyq áleýetin iske asyrý úshin jaǵdaılar jasaý jónindegi jastar qyzmetin uıymdastyrý nysany bolyp tabylady. 2. Jastardyń ózin-ózi basqarý organdary Qazaqstan Respýblıkasynyń zańnamasyna sáıkes negizgi orta, orta (jalpy orta, tehnıkalyq jáne kásiptik bilim berý), orta bilimnen keıingi, joǵary, joǵary oqý ornynan keıingi bilim berý uıymdarynda jáne eńbek ujymdarynda qurylýy múmkin. 5-taraý. QORYTYNDY EREJELER 31-bap. Osy Zańdy qoldanysqa engizý tártibi 1. Osy Zań alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. 2. «Qazaqstan Respýblıkasyndaǵy memlekettik jastar saıasaty týraly» 2004 jylǵy 7 shildedegi Qazaqstan Respýblıkasy Zańynyń (Qazaqstan Respýblıkasy Parlamentiniń Jarshysy, 2004 j., № 16, 95-qujat; 2007 j., № 10, 69-qujat; № 20, 152-qujat; 2010 j., № 22, 130-qujat; 2011 j., № 6, 49-qujat; № 11, 102-qujat; 2013 j., № 14, 72, 75-qujattar; 2014 j., № 1, 4-qujat) kúshi joıyldy dep tanylsyn. Qazaqstan Respýblıkasynyń Prezıdenti N.NAZARBAEV. Astana, Aqorda, 2015 jylǵy 9 aqpan. № 285-V QRZ