Memlekettik til ǵylym tiline aınalýy kerek

Buǵan deıingi quryltaılarda kóterilgen máseleler men basta­malarǵa qatysty tıisti sheshimder, zańdar qabyldanyp, túrli tyń jobalardyń dúnıege kelgenin kózben kórdik. Sondyqtan da bu­qara memlekettik deńgeıdegi bul jıynǵa úlken úmit artyp, qandaı eldik máseleler talqyǵa túserin jiti qadaǵalap otyr.

Máselen, bizdiń halyqaralyq «Qazaq tili» qoǵamynyń múshe­leri ótken aptada arnaıy jıyn ótkizip, quryltaı múshesi retinde bizge birneshe bastamany amanattap, ózderiniń usynys-pikirlerin quryltaı minberinen jetkizýdi surady. Birinshiden, munyń barlyǵy – quryltaıǵa degen úlken senim­niń nátıjesi. Ekinshiden, quryltaı óziniń mindetin óte tıimdi atqaryp jatqanynyń aıǵaǵy. Sol sebepti  Býrabaıdyń tórinde ótken búgingi quryltaı da bilim, ǵylym, máde­nıet, áleýmet salalarynyń damýy­na, aýyldyń kórkeıýine, túrli ba­ǵyttaǵy maqsat-mindetterimizdiń der ýaǵynda iske asýyna óz septigin tıgizeri sózsiz.

Quryltaı músheleri el-jurt­ty alańdatqan basty problema­lar­dy kóterip, halyqtyń kókeıindegi usy­nystardy kún tártibine engi­zýi ke­rek. Máselen, «Qazaq tili» qo­ǵa­my ókil­deri qazaq tilin ǵy­lym­ tili­ne aınaldyrý usy­ny­syn jet­ki­zýdi surady. Memlekettik til ǵy­lym tili­ne­ aınalmaı, onyń qoldanys aıasy keńimeıdi. Tildiń bolashaǵyn oılaıtyn bolsaq, ǵylymı jumystar memlekettik tilde qor­ǵa­lýy kerek. Qazir tehnı­ka­lyq ǵy­lymdar salasynda mem­le­kettik til­degi oqýlyqtardyń jetis­peý­shi­ligin kórip otyrmyz. Demek naq­ty qadamdar jasap, ǵylymı eńbek­ter­diń qazaq tilinde jazylyp, qor­ǵa­lýyna bastamashy bolýǵa tıispiz.

Joǵary oqý oryndarynda bilim alyp jatqan bolashaq mamandarǵa arnalǵan qajetti oqýlyqtardy, oqý-ádistemelik quraldardy memle­ket­tik tilde shyǵarý usynysy Ulttyq qu­ryl­taı tarapynan qoldaý tabaryna sengim keledi.

Raýan KENJEHANULY,

«Qazaq tili» qoǵamynyń prezıdenti