Ázirge oqıǵanyń mán-jaıy týraly aqparat joq. Alaıda, Ishki ister mınıstri Erjan Sádenov óziniń resmı paraqshasynda marqumnyń týǵandaryna kóńil aıtyp, habarlama jarııalady.
– Oqý-jattyǵý is-sharalaryn ótkizý kezinde bolǵan jazataıym oqıǵa saldarynan qaza tapqan Qaraǵandy oblysy Polısııa departamentiniń qyzmetkeri Aldan Álıevtiń týystary men jaqyndaryna kóńil aıtamyn, – dep jazdy elimizdiń bas polıseıi.
Qaraǵandy oblysy Polısııa departamenti de qaza bolǵan áriptesiniń týǵandaryna kóńil aıtyp, polısııa maıory Aldan Álıev jazataıym oqıǵa saldarynan kóz jumǵanyn habarlady.
– Qaraǵandy oblystyq Polısııa departamentiniń basshylyǵy, ardagerler keńesi jáne jeke quramy, oqý-jattyǵý is-sharalaryn ótkizý kezinde bolǵan jazataıym oqıǵa saldarynan qaza tapqan, Polısııa departamenti Oqý-jattyǵý vzvodynyń aǵa ınspektory polısııa maıory Álıev Aldan Jumajanulynyń jaqyndary men týystarynyń qaıǵysyna ortaqtasyp, kóńil aıtady, – dep jazylǵan habarlamada.
