Mınıstr búkil zaýytty keshendi jańǵyrtý boıynsha «9-5-5» ınvestısııalyq baǵdarlamasynyń oryndalý barysymen tanysty.
Bolat basqarmasynyń negizgi nysandaryna ekskýrsııa júrgizilip, aǵymdaǵy óndiristik kórsetkishter, montajdaý-jóndeý jumystary jáne zaýyttyń aınalasynda ShOB beldeýin qurýdy kózdeıtin metallýrgııalyq klasterdi júzege asyrý josparlary týraly aqparat tyńdaldy.
Mınıstr «Qarmet» AQ jan-jaqty jańǵyrtý Memleket basshysynyń tapsyrmasyna sáıkes júzege asyrylyp jatqanyn jáne Úkimettiń erekshe baqylaýynda ekenin atap ótti.
Investordyń aldynda ónerkásiptik jáne ekologııalyq qaýipsizdikti qamtamasyz etý, sondaı-aq óndiris qýattylyǵyn arttyrý jáne tıisti sapadaǵy bolat ónimderiniń jańa túrlerin ıgerý boıynsha eleýli mindetter tur.
О́nerkásip jáne qurylys mınıstrligi bul baǵytta qajetti qoldaý kórsetedi.
2024 jyldyń sońynda «Qarmet» AQ-da shoıyn óndirisi 14%-ǵa, bolat óndirisi 18%-ǵa óskenin atap ótken jón.
2025 jyly 3,3 mln tonna shoıyn jáne 3,7 mln tonna bolat, tıisinshe 5% jáne 6% quraıtyn óndiristik ósimge qol jetkizý maqsaty qoıylǵan.
Mınıstr kásiporyn basshylyǵyna ınvestısııalyq baǵdarlamada kózdelgen barlyq júktelgen mindettemelerdi, onyń ishinde negizgi nysandar – Domna, Uzyn prokat jáne Tabaq prokat sehtaryn jańǵyrtý boıynsha birqatar naqty tapsyrmalar berdi.
