Eń aldymen Oıyl eldimekenine kireberistegi kópirdi qarǵyn sý buzyp ketýinen aýdan ortalyǵymen kólik qatynasy toqtady. Qazirgi ýaqytta aýdan ortalyǵy turǵyndary arǵy betke motorly qaıyqpen ótip júr. Oıyl ózeni áli tasyǵan joq. О́tken jyly sý tasqyny kezinde Oıyl ózeni boıyndaǵy kópirdi buzyp ketip, onyń ornyna salynatyn qurylysty bıylǵy kóktemde bastaý josparlanǵan edi. Onyń bıýdjeti 2,6 mlrd teńge. Merdigeri – «TengızStroıServıs» JShS-i. Joba qysta saraptamadan ótken.
Sondaı-aq Aqtóbe qalasynyń irgesindegi Qýraıly, Jańaqonys, Baýyrlastar turǵyn alaptaryna da sý kirý qaýpi joǵary bolýynan, sý baǵytyn burý, arnalardy bekitý jumystary jalǵasyp jatyr. Aqtóbe qalasy ákimi Azamat Bekettiń habarlaýynsha, qalanyń kommýnaldyq mekemeleri, qutqarý qyzmeti kúsheıtilgen rejımge kóshirildi. Dál qazirgi ýaqytta ózen arnalaryna jaqyn ornalasqan eldimekenderge sý basý qaýpi tónip turǵan joq.
Aqtóbe oblysy
