Foto: egemen.kz/ Erlan Omar
Kúdikti memleketten sýbsıdııa alý maqsatynda Almaty oblysynyń aýyl sharýashylyǵy basqarmasyna «Nagrada» túrindegi tańqýraı kóshetterin satyp alý týraly jalǵan qujattar usynǵan. Nátıjesinde ol 474 mıllıon teńge sýbsıdııa alyp, aqshany zańsyz paıdalaný úshin jeke kásipkermen jalǵan kelisimge kelgen.
«Atalǵan jalǵan kelisimder men tólem qujattary negizinde 431 mln teńge somaǵa qolma-qol qarajat alyndy. Sonymen qatar, urlanǵan qarajattardy zańdy aınalymǵa tartý maqsatynda ol jubaıynyń atynan baǵaly qaǵazdarmen operasııalar júrgizip, qosymsha 89 mln teńge qylmystyq tabys tapqan. Qylmystyq tabysqa ol Almaty qalasynan eki bólmeli páter jáne «Toyota Highlander» avtokóligin satyp alǵan», delingen Qarjylyq monıtorıng agenttiginiń habarlamasynda.
Tergeý barysynda kúdiktiniń atalǵan múlikteri men 50 mln teńge aqsha jáne 91 mln teńge quny bar baǵaly qaǵazdaryn paıdalanýǵa tyıym salynǵan.
QMA aıyptalýshynyń memleketten urlanǵan 170 mln teńgeni Qonaev qalasyndaǵy kazınoǵa qurtqanyn da anyqtaǵan.
