Foto: Aqorda
Qasym-Jomart Toqaev Shen Iаnfenge Qazaqstannyń atalǵan salany damytý jónindegi josparyn tanystyryp, taıaýda Iаdrolyq energetıka agenttigin qurý týraly mańyzdy sheshim qabyldanǵanyna nazar aýdardy. Bul ulttyq ekonomıka aldyndaǵy strategııalyq mindetti júıeli túrde júzege asyrýdy kózdeıdi.
Prezıdent Qytaı Halyq Respýblıkasynyń atom energetıkasynda kóshbasshy sanalatyn CNNC tájirıbesine elimizdiń qyzyǵýshylyq tanytyp otyrǵanyn aıtty.
Shen Iаnfen Memleket basshysyna kompanııanyń Qytaıdaǵy jáne odan tysqary jerlerdegi jobalary týraly málimet berdi.
Áńgimelesý barysynda atom energııasyn beıbit maqsatta paıdalanatyn ozyq tehnologııalardy zerdeleý jáne qazaqstandyq mamandardy oqytý baǵytyndaǵy yqpaldastyq máseleleri qarastyryldy.
