Foto: polisia.kz
Shara barysynda prekýrsorlar men medısınalyq preparattardy qoldanatyn 900-den astam uıym, onyń ishinde 350 dárihana, 85 qoıma, 103 emdeý-profılaktıkalyq mekemesi jáne 362 kásiporyn tekserilgen.
Saqtaý, ótkizý jáne tasymaldaý sharttaryn buzǵan 248 adam ákimshilik jaýapkershilikke tartyldy, onyń ishinde 116 medısına qyzmetkeri bar.
«Esirtki quraldarymen jumys isteý salasynda 8 qylmystyq is qozǵaldy. 35 myń tonna prekýrsor, 20 myń tabletka jáne quramynda psıhoaktıvti zattar bar 24 myń ampýlanyń aınalymyna shekteý qoıyldy», dedi IIM esirtki qylmysyna qarsy is-qımyl komıteti tóraǵasynyń orynbasary Qýandyq Áljanov.
Máselen, Jambyl oblysyndaǵy uıymdardyń biri prekýrsorlardy saqtaý erejelerin buzǵan. 34 myń tonnadan astam kúkirt qyshqyly tárkilendi. Ákimshilik materıal jınalyp, uıym qyzmeti toqtatylǵan. Aqtóbe oblysynda medısınalyq uıymdy tekserý kezinde esirtki quraldaryn saqtaý jáne esepke alý erejeleriniń buzylýy anyqtaldy. Farmasevtke qatysty qylmystyq is qozǵaldy.
