Foto: Astana qalasy ákimdigi
Elorda ákimdiginiń resmı saıtynyń málimdeýinshe qatysýshylar ulttyq kıimmen qala kóshelerin aralap, merekelik kóńil-kúı syılady, sondaı-aq basqalardy da osy bastamaǵa qosylýǵa shaqyrdy.
«Shapan – qazaq halqynyń erekshe ulttyq kıimi. Ol – qonaqjaılyqtyń, márttiktiń belgisi. Naýryzda shapan kıgende biz tek ulttyq kıimimizdi ǵana emes, ata-babamyzdan qalǵan baı mádenı muramyzdy da jańǵyrtamyz», dedi qalalyq máslıhat depýtaty, «Amanat» partııasy janyndaǵy «Jastar rýhy» qanatynyń Astana boıynsha fılıal basshysy Arslanbek Maǵzum.
«Taqııa – ulttyń aınasy. Ol domalaq pishinimen kıiz úıdi eske salady. Kıiz úı – birliktiń, tutastyqtyń belgisi. Al taqııa – jastyqtyń, rýhtyń, namystyń belgisi. О́z bolmysyńdy umytpa. Taqııańdy túze», dedi «Esirtkisiz bolashaq» korporatıvtik qorynyń basshysy Jandos Aqtaev.
Chellendjge qatysýshylar otandastarymyzdy ulttyq kıim kúnimen quttyqtap, erekshe dástúrdi birge jańǵyrtýǵa shaqyrdy.
