Qorshaǵan ortany qorǵaý, ekologııalyq mádenıetti qalyptastyrý maqsatynda júzege asyrylatyn aksııa «Báıterek» shaǵyn aýdanyndaǵy №3 mektep-lıseıden bastaý aldy. Munda oblys basshysy lıseı oqýshylarymen birge 150 kóshet otyrǵyzdy.
«TazaLike» aksııasy sodan soń elimizdegi eń iri shaǵyn aýdan sanatyna engen «Uly dala» yqsham aýdanynda jalǵasty. Jańa yqsham aýdandaǵy is-sharaǵa oblystyq, Taraz qalalyq ardagerler keńesiniń músheleri, máslıhat depýtattary, zııaly qaýym, quqyq qorǵaý organdarynyń ókilderi, sportshylar men belsendi jastar qatysty. Resmı derekterge súıensek, «Uly dala» shaǵyn aýdanynda 500 dana kóshet egildi.
О́ńirde bastaý alǵan «TazaLike» aksııasy «Taza qala» is-sharasyna ulasty. Taraz, Jańatas, Qarataý, Shý qalalarynyń turǵyndary kúl-qoqystardy shyǵaryp, aryq-atyzdar men kanaldardy qoqystan tazartty.
Oblys ákimdiginiń baspasóz qyzmeti keltirgen derekke júginsek, 20, 27 naýryz kúnderi «Búkil qazaqstandyq aǵash otyrǵyzý», «Jasyl qala», «Qalaǵa arnalǵan aǵash» aksııalary uıymdastyrylady. Is-shara barysynda óńirdiń barlyq aýdandarynda jappaı kóshet otyrǵyzý isi qolǵa alynbaq. 15 naýryzda bastalǵan «TazaLike» aksııasy 20 sáýirge deıin jalǵasady. Oǵan óńirdiń barlyq aýdany úles qosady. Nátıjesinde, 7 myńnan asa kóshet otyrǵyzylady.
«Taza Qazaqstan» ekologııalyq aksııasy aıasynda bıyl aýqymdy jumystar atqarylady. О́ńirde kógaldandyrý jumysyna 1,2 mlrd teńge qarjy qarastyrylǵan.
«Oblys ortalyǵy Taraz qalasynda «Jambyl Cement» kompanııasynyń yqpal etýimen 3,6 myń, «Taraz metallýrgııalyq zaýyty» ujymynyń qoldaýymen 10 myń, «Qazaq soda» kompanııasynyń atsalysýymen 27 myń kóshet otyrǵyzý josparlanǵan», deıdi oblys ákiminiń orynbasary Qanatbek Mádibek.
О́ńirdegi kógaldandyrý jumystary ilki sátke de toqtamaq emes. Bıyl Taraz qalasy men aýdandarda 195 myń kóshet otyrǵyzý josparlanǵan. Sondaı-aq egilgen kóshetterdi sıfrlandyrý jumysy da josparǵa saı júzege asyrylyp jatyr.
«Búginge deıin «Bolashaqty birge otyrǵyzamyz» aksııasyn ótkizip úlgerdik. Nátıjesinde, 28,9 myń kóshet egildi. Oǵan 381 mekteptiń 47,8 myń bilim alýshysy atsalysty. Aldaǵy ýaqytta «Úlgili aýyl», «Úlgili aýla» baıqaýlary uıymdastyrylady. Osylaısha, turǵyndardy kóshet otyrǵyzýǵa yntalandyramyz», deıdi oblys ákiminiń orynbasary.
Jambyl oblysy
