Úkili kámshat, búrmeli kóılek...

«Birtutas tárbıe» baǵdarla­masyn júzege asyrý aıasynda­ Kókshetaý qalasynyń №6 mek­tep-lıseıi uıymdastyrǵan shy­ǵar­mashylyq baıqaýǵa oblys ortalyǵyndaǵy mektepterdiń 9-11 synyp oqýshylary qatysty. Is-sharanyń túpki maqsaty – san ǵasyr boıy halyqtyń qazynasyna aınalǵan ulttyq qundylyqtardy nasıhattaý arqyly mándi mádenı mu­rany qaıta jańǵyrtý, son­daı-aq­ dástúrli ulttyq mádenıet negizinde óskeleń urpaqtyń este­­tıkalyq talǵamyn qalyp­tastyrý. Baıqaý sharty boıynsha qatysýshylar qazaqtyń tanym-túsinigi men dástúrlerine saı tigilgen ulttyq kıim úlgilerin tanystyryp, olardyń jasalý barysy kórsetilgen beınerolıkter usyndy jáne osy oraıdaǵy shyǵarmashylyq qabiletterin ortaǵa saldy.

Qazylar alqasy baıqaý je­ńim­pazy men júldegerlerin jáne atalym ıegerlerin ata-­baba dástúrlerin eskere otyryp ázirlengen zamanaýı kıimde avtor­lyq izdenistiń bolýy, tań­dal­ǵan kıim úlgisiniń talǵamǵa saı kelýi sekildi ólshemder bo­ıyn­sha anyqtady.

Baıqaý qorytyndysynda erekshelengen oqý­­­­shy­­­­­lar marapattaldy. №6 mek­­tep-lı­seıi­niń 11-synyp oqý­shy­sy Dılnara Baetova bas júl­deni jeńip aldy. Birinshi oryndy №17 mektep-gım­nazııa­sy­nyń 9-synyp oqý­shy­sy Inaıa Mol­da­baeva ıelendi. ­Is-shara sońy u­s­taz­dar men oqý­shy­lar­dyń kon­sert­­tik qoıylym­da­ry­na ulasty.

Kókshetaý