«Bul sherý ata-babamyzdan qalǵan asyl murany qurmetteýdiń, ulttyq bolmysymyzdy dáripteý maqsatynda uıymdastyryldy. Ásirese jastardyń sanasyna ulttyq qundylyqty saqtaýdyń mańyzyn sińirgimiz keldi. О́ıtkeni qazaqtyń ulttyq kıimi – tarıhymyz ben mádenıetimizdiń aınasy», deıdi Atyraý qalasy ákiminiń orynbasary Nurjan Ermuhanov.
Al oblystyq tarıhı-ólketaný mýzeıinde «Ulttyq kıim – ulttyń kórki» ýaqytsha kórmesi ashyldy. Kórmege qazaq halqynyń sanǵasyrlyq tarıhynan syr shertetin 30-dan astam ulttyq kıim kolleksııasy qoıyldy.
«Ár ulttyń ózindik ereksheligin kórsetetin mańyzdy belgileriniń biri – ulttyq kıimi. Qazaq halqynyń ulttyq kıimderi ásemdigimen, qolónerlik naqyshtarymen jáne sımvoldyq mánimen daralanady», deıdi mýzeı dırektory Muhambetqalı Kıpıev.
Mýzeı qyzmetkerleri kórmege kelýshilerge ulttyq kıim túrleriniń daıyndalý jolyn, ondaǵy qolóner ereksheligi týraly aqparat berdi. Kolleksııada mýzeı qorynda saqtalǵan shapan, kúzen ishik, shekpen, kóılek, kájekeı, beshpent sekildi syrt kıimder bar.
Sondaı-aq túlki tymaq, qundyz bórik, taqııa, kúlápara, sáýkele, kımeshek, qasaba sekildi baskıimder usynyldy. Jádigerler qataryn kóksaýyr kebis, shońqaıma etik, saptama etik, mási túrindegi sırek kezdesetin aıaqkıimder tolyqtyrdy.
Atyraý oblysy
