Jańa avıasııalyq tehnıkany meńgerýde

QR QK ÁQK Áskerı-áýe kúshterinde jańa avıasııalyq tehnıkany qarý-jaraq sapyna qoıýmen qatar, sol tehnıkany ushqyshtar quramynyń meńgerýin uıymdastyrýǵa erekshe kóńil bólinedi. Almaty qalasynyń avıa­sııa­lyq bazasynda oqý-jattyǵý ushýy barysynda maıor Raıl Qurbanǵalıev tuńǵysh ret ekıpaj komandıri retinde S-295 ıspandyq áskerı kólik ushaǵyn basqaryp óz betinshe ushty. Tuńǵysh ushý aldynda áskerı qyzmetshi kóp eńbektenip, jerde túrli jattyǵý qurylǵylarynda jattyqty. Maıor Qurbanǵalıev keme komandıri kómekshisi laýazymynan avıasııalyq jasaq komandıri laýazymyna deıin kóterilgen. Aldynda ol An-26 men An-12 ushaqtaryn meńgerip, olarmen 900 saǵattan artyq ushqan. 2014 jyly Sevılııa qalasyndaǵy (Ispanııa) Airbus Military daıarlaý ortalyǵynda teorııalyq kýrstan ótip, sertıfıkat aldy. Al ushýdan qaıta daıarlyqty Qazaqstanda QR QK ÁQK ÁÁK nusqaýshy ush­qyshy maıor Dmıtrıı Grostyń jetekshiligimen ótti. S-295 ushaǵy QR QK ÁQK Áskerı-áýe kúshteri sapyna 2013 jyly qabyldanǵandyǵyn aıta ketken jón. Búgingi tańda QR QK ÁÁK-de atalmysh ushaqtyń tórteýi bar. Árdaıym ushqyshtar men ınjenerlik-tehnıkalyq quramdy jedeldetip daıarlaý jumystary júrgiziledi, jyldan-jylǵa qazaq­standyq ushqyshtardyń sheberligi tek qana artyp keledi. «Egemen-aqparat».