Foto: zhaikpress.kz
Elimizdiń 17 óńirinde iske qosylǵan joba jergilikti bıýdjet esebinen qarjylandyrylady. Bastama mekteptiń bilim berý júıesiniń praktıkalyq baǵytyn kúsheıtýge jáne jastardyń jumysqa erte ornalasýyna múmkindik jasaýdy kózdeıdi.
«Kásiptik daıarlyq kolledjder bazasynda, al jalpy bilim berý pánderin meńgerý mektepte bastalady. 11-synypty bitirgennen keıin oqýshylar attestat qana emes, orta tehnıkalyq bilim týraly dıplomyn da alady», deıdi Tehnıkalyq jáne kásiptik bilim departamentiniń dırektory Áset Muhanbetov.
Pılottyq jobaǵa 150-ge jýyq kolledj jáne mektep qatysýda. Joǵary synyp oqýshylary eńbek naryǵy úshin qajetti baǵyttar boıynsha bilim alady, onyń ishinde tamaqtanýdy uıymdastyrý, avtokólikke tehnıkalyq qyzmet kórsetý jáne jóndeý, tigin óndirisi jáne kıimdi modeldeý, kıim dızaıny, grafıkalyq jáne mýltımedııalyq dızaın, dánekerleý isi, jıhaz óndirisi, shashtaraz qyzmeti qamtylǵan.
Búgingi tańda jobaǵa 2 myńǵa jýyq oqýshy qatysyp jatyr. Bıyl 905 túlek kásibı biliktilikpen qatar eńbek naryǵyna birden shyǵýǵa múmkindik beretin kolledj dıplomyn da qosa alady.
Joba tehnıkalyq jáne kásiptik bilim berý júıesin transformasııalaýǵa, ekonomıkanyń naqty sektorynyń qajettilikterine baǵdarlanǵan básekege qabiletti adamı kapıtaldy qalyptastyrýǵa arnalǵan memlekettik strategııalyq baǵyt sheńberinde iske asyrylady.
